යටියන්තොට ප්‍රදේශයේ පැවැති උත්සවයකදී රාජ්‍ය අමාත්‍ය රංජිත් සියලාපිටිය මහතා එසේ පැවසීය.
දේශීය ණය ප්‍රතිව්‍යුහගතකරණයේදී සේවක අර්ථසාධක අරමුදලේ ප්‍රතිලාභීන්ගේ පොලිය සියයට 9 ක් දක්වා අඩු කළ බවත් සේවක අර්ථසාධක අරමුදල 2023 වසරේ ඉහළ ලාභාංශයක් ලැබීම හේතුවෙන් එසේ පොලී ප්‍රතිශතය ඉහළ දැමූ බවත් රාජ්‍ය අමාත්‍යවරයා කීය.
එම අරමුදල නිසි ආකාරයට ආයොජනයේ යෙදවීමෙන් 2023 වසරේ ලාභාංශ ඉහළ ගොස් ඇති බවත් එම අරමුදලේ සාමාජිකයන් ලක්‍ෂ 27 කට මෙයින් ප්‍රතිලාභ හිමිවන බවත් රාජ්‍ය අමාත්‍යවරයා වැඩි දුරටත් සඳහන් කළේය.
දේශීය ණය ප්‍රතිව්‍යුහගතකරණයේදී සේවක අර්ථසාධක අරමුදලේ ප්‍රතිලාභීන්ගේ තැනපතු පොලිය සියයට 9 ක් වත් නොලැබෙන බවත්, තැනපතු අහිමි වෙන බවත් බැංකු පද්ධතියම කඩා වැටෙන බවත් ආදිය කියමින් ජනතා විමුක්ති පෙරමුණ ඇතුළුව විපක්ෂ කණ්ඩායම් රජයට එරෙහිව විශාල විරෝධතා ව්‍යාපාරයක් ගෙන ගියේය. නමුත් ඒ සියල්ල බොරු බව මේ වන විට හෙළිදරව් වී ඇත. එමෙන්ම සියයට 9 අවමම පොලී අනුපාතයද රජය පුරෝකථනය කළ කාලයට පෙර වැඩි කිරීමට සමත්ව තිබීම රජය විසින් දියත් කළ ආර්ථික ප්‍රතිසංස්කරණයන් හී සාර්ථකත්වයය.
