ශ්‍රී ලංකාවේ මධ්‍යම පළාත සහ චීනයේ ජියන්ශි පළාත අතර ආර්ථික, සමාජීය හා සංස්කෘතිමය සම්බන්ධතා සංවර්ධනය කිරීමේ අරමුණින් එම හමුව මහනුවර පිහිටි ආණ්ඩුකාර කාර්යාලීය ශ්‍රවණාගාරයේදී පැවැත්වුණි.
මධ්‍යම පළාතේ ආයෝජන අවස්ථා හා සංචාරක ප්‍රවර්ධනය උදෙසා ඇති ඉඩ කඩ හා මධ්‍යම පළාතේ භූ ආපදා හදුනාගැනීම සදහා දායකත්වය ලබා ගැනීමේ හැකියාව මෙන්ම මධ්‍යම පළාතේ විසිරි තිබෙන ඛනිජ සදහා ඇති ජ්‍යාත්‍යන්තර වෙළෙදපල අවස්ථා පිළිබදවද කරුණු සාකච්ඡාවට බදුන් විය.
මෙම අවස්ථාව සම්පාදනය කිරීමේදී ශ්‍රී ලංකා චීන සමාජ හා සංස්කෘතික සහයෝගිතා සංගමය මැදිහත් වූණි.
මේ සදහා පළාත් රාජ්‍ය සේවා කොමිෂන් සභාවේ සභාපති, හිටපු ප්‍රධාන ලේකම් ගාමිණී රාජරත්න, පළාත් ආණ්ඩුකාර ලේකම් මංජුලා මඩහපොල මෙන්ම ශ්‍රී ලංකා චීන සමාජ හා සංස්කෘතික සහයෝගිතා සංගමයේ උපසභාපති අරුණ හපුආරච්චි මහතා ඇතුළු පිරිසක් එක් වුහ.
- දිනමිණ
