සමිත පසුගිය ඔලිම්පික් උලෙළේදී ද හෙල්ල විසි කිරීම ඉසව්වෙන් ලෝකඩ පදක්කමක් දිනා ශ්‍රී ලංකාවට ගෞරවය ගෙන දුන්නේය.
සමිත තම පළමු උත්සාහයේදීම මීටර් 66.49ක දුරක් හෙල්ල විසි කිරීමෙන් මේ ලෝක වාර්තාව බිහි කළේය. මෙහි පැරණි වාර්තාව ඔස්ට්‍රේලියාවේ මිචල් බ්‍රියන් මීටර් 66.29කින් ජපානයේ ටෝකියෝ නුවරදී 2021 වසරේදී පිහිටුවා තිබිණි. මෙහි පළමු ස්ථානය ඉන්දීය ක්‍රීඩක සුමිට් අන්ටිල් මීටර් 69.50කින් දිනාගත් අතර, ලෝකඩ පදක්කම මීටර් 60.41කින් ඉන්දීය ක්‍රීඩක සන්දීප් දිනා ගත්තේය.
මේ ලෝක පැරා මලල ක්‍රීඩා තරගාවලියේ T44 කාණ්ඩයෙන් මීටර් 100 තරගයට පෙරේදා එක්වූ ඉන්දික ගමගේ එහි ලෝකඩ පදක්කම දිනාගත් හෙයින් මේ වන විට ශ්‍රී ලංකා නාමය ඉදිරියේ පදක්කම් දෙකක් සටහන්වී ඇත. මේ 24 වැනිදා පැවැත්වෙන F46 කාණ්ඩයේ හෙල්ල වීසි කිරීමේ තරගයට දිනේෂ් ප්‍රියන්ත සහභාගි වන අතර, එදිනම ජනනි ධනංජනා දුර පැනීම ඉසව්වට, ප්‍රදීප් සෝමසිරි F42 කාණ්ඩයේ කවපෙත්ත වීසිකිරීමේ ඉසව්වට හා මීටර් 1500 ඉසව්වට සහභාගී වෙති. 25 වැනිදා ජනනි ධනංජනා T46 කාණ්ඩයෙන් මීටර් 200 තරගයට ද සහභාගිවීමට නියමිතය.
-P.M
