කැනඩාවේ ශ්‍රී ලංකා මහකොමසාරිස්වරයා උතුරු පළාත් ආණ්ඩුකාරවරිය හමුවේයි මේ බව පවසා තිබෙන්නේ.
උතුරු පළාත් ආණ්ඩුකාර පී.එස්.එම් චාල්ස් මහත්මිය සහ ශ්‍රී ලංකාවේ කැනේඩියානු මහකොමසාරිස් එරික් වෝල්ෂ් ,ජාත්‍යන්තර සංවර්ධනය සඳහා වන කැනඩාවේ නියෝජ්‍ය අමාත්‍ය ක්‍රිස්ටෝෆර් මැක්ලෙනන් යන මහත්වරුන් අතර සාකච්ඡාවක් පැවැත්වුණා.
ඒ උතුරු පළාත් ආණ්ඩුකාර ලේකම් කාර්යාලයේදීයී.
පුනරුත්තාපන කටයුතු ,නැවත පදිංචිකිරීම් , බිම්බෝම්බ ඉවත් කිරීම , ඉඩම් නිදහස් කිරීම , අධ්‍යාපන සංවර්ධනය ආදී කරුණු රැසක් සම්බන්ධයෙන් මෙහිදී සාකච්ඡා කෙරුණා.
ජනාධිපතිවරයාගේ උතුරු පළාත් සංචාරයේදී රෝහල් සදහා නව ඒකක විවෘත කිරීම , ගුරුපත්වීම්ලබාදීම මෙන්ම ඉඩම් ඔප්පු ලබාදීම තුළින් උතුරු පළාත් ජනතාවට වඩා හොද අධ්‍යාපනයක් හා සෞඛ්‍ය සේවාවක් සහතික කර ඇති බව ආණ්ඩුකාරවරිය මෙහිදී පැවසුවා.
උතුරු පළාත් සංවර්ධනය සඳහා සහාය ලබා දෙන බවයි කැනඩා නියෝජිත පිරිස එහිදී අවධාරණය කළේ.
-P.M
