ඒ ඇය සැකසහිත ලෙස රුපියල් කෝටි ගණනක දේපොළ උපයාගෙන ඇතැයි කියමින් ලද පැමිණිල්ලකට අනුව අධිකරණයට කළ කරුණු දැක්වීමකදීයි.

මගෙන් රටට සංවිධානයේ සභාපති සංජය මහවත්ත කළ පැමිණිල්ලක් අනුව මෙම විමර්ශනය ආරම්භ වි තිබිණ.

එමෙන්ම හිටපු ජනාධිපති ගෝඨාභය රාජපක්ෂ භාවිත කළ ජීප් රථය ඇය රුපියල් ලක්ෂ 780ක් වැය කර එය හිමි පුද්ගලයාගෙන් මිලදී ගෙන ඇති බවද විමර්ශන නිලධාරීන් අධිකරණය හමුවේ කරුණු වාර්තාකර තිබේ.

තව ද ඇය රුපියල් මිලියන 148ක මුදලක් වැය කර කොළඹ 7, වෝඩ් පෙදෙසේ පිහිටි සුඛෝපභෝගී නිවාස සංකීර්ණයකින් නිවසක් ද මිලදී ගෙන ඇති බවත් විමර්ශන නිලධාරීන් අධිකරණයට ප්‍රකාශ කර ඇති අතර එම මුදල ඇය අවස්ථා 15කදී 2023 වසර තුළදී ගෙවා ඇති බවත් සදහන්ය.

පියුමි හංසමාලි සිය ප්‍රධාන ආදායම් මාර්ගය ලෙස සම පැහැපත් කිරීමට භාවිත කරන ආලේපන නිෂ්පාදන ආයතනයක් පවත්වාගෙන යන අතර ඒ සම්බන්ධයෙන් ද විමර්ශන සිදුකරන බවද විමර්ශන නිලධාරීන් අධිකරණය දැනුම් දී තිබේ.

මුදල් විශුද්ධිකරණ පනත යටතේ විමර්ශන සිදුකර කඩිනමින් අධිකරණයට විමර්ශනවල ප්‍රගතිය දැනුම්දෙන ලෙස අධිකරණය විමර්ශන නිලධාරීන්ට නියෝග කර තිබේ.