පසුගිය 19 වනදා සිට 25 වනදා දක්වා ගත වූ සතිය තුල ඩෙංගු රෝගීන් 926 දෙනෙකු වාර්තා වී තිබෙන අතර ඊට පෙර සතියේ වාර්තා වූ ඩෙංගු රෝගීන් සංඛ්‍යාව 968 ක් බවයි සෞඛ්‍ය අංශ පවසන්නේ.
වැඩිම සංඛ්‍යාවක් වාර්තා වී ඇත්තේ බස්නාහිර පළාතෙන් වන අතර එම සංඛ්‍යාව 54.8% ක්.
කොළඹ දිස්ත්‍රික්කයෙන් 24.9% ක් වාර්තා වී ඇති අතර ඉන් රෝගීන් 9.3 %ක් ම වාර්තා වී ඇත්තේ කොළඹ මහනගර සභා බල ප්‍රදේශයෙනුයි.
රත්නපුර දිස්ත්‍රික්කය තුළ යටවත්ත, කුරුවිට, පැල්මඩුල්ල ,රත්නපුර ,මොරටුව, රාගම සීදුව,පානදුර සහ බේරුවල යන සෞඛ්‍ය වෛද්‍ය නිලධාරී බල ප්‍රදේශවල ඩෙංගු ව්‍යාප්තිය ඉහළ ගොස් තිබේ.
මේ අතර රත්නපුර දිස්ත්‍රික්කයේ ඩෙංගු රෝගය වසංගත තත්ත්වයකට ව්‍යාප්තවීමේ අවදානම හේතුවෙන් ඒ පිළිබඳ ජනතාව දැනුවත් කිරීමේ වැඩසටහනක් ක්‍රියාත්මක කර තිබේ.
රත්නපුර දිස්ත්‍රික්කයෙන් ඩෙංගුරෝගීන් 2198 දෙනෙකු හදුනාගෙන තිබේ.
