මී උණ රෝගය වැඩි වශයෙන් පැතිරයාමේ අවදානම සම්බන්ධව සෞඛ්ය ප්රවර්ධන කාර්යාංශයේ අද (11) පැවැති මාධ්ය හමුවකට එක්වෙමින් ඇය මේ බව පැවසීය.
උණ, සහ ශ්වසන අපහසුතා එම ප්රදේශ තුලින් වාර්තා වී ඇති බවත් මේ වන විට අදාළ උණ රෝගීන්ගේ සාම්පල ලබා ගනිමින් පරීක්ෂණ පවත්වන බවත් ඇය පැවසුවාය.
එමෙන්ම පසුගිය 2023 වසරේ දිවයින පුරා මී උණ රෝගීන් 9,000කට අධික පිරිසක් වාර්තා වූ බවත් ඉන් රෝගීන් 200කට ආසන්න ප්රමාණයක් මරණයට බවත් ඇය පැවසුවාය.
එමෙන්ම මේ වසරේ ගතවූ කාල සීමාව තුළ රෝගීන් වාර්තා වීම පෙර වසරට සාපේක්ෂව ඉහළ ගොස් ඇති බවත් ඇය මෙහිදී පැවසුවාය.
ඇය පැවසුවේ වී ගොවිතැන ආශ්රිතව මඩ සහ ජලය ආශ්රිතව වගා කටයුතුවල නිරතව සිටින ගොවීන්, ගංවතුරට මුහුණ දී සිටින පිරිස්, කුඹුරු හා ජලය ආශ්රිතව වෙනත් රාජකාරි කටයුතුවල නිතරව සිටින්නන්, පතල් ආශ්රිතව සහ ජලය ආශ්රිත රැකියා කරන්නන් මී උණ රෝගයට ගොදුරු වීමේ වැඩි අවධානමට ලක්වන බවය.
තද උණ, තදබල මස්පිඩු වේදනාව, ඇස් රතුවීම, මී උණ රෝගයේ රොගී ලක්ෂණ වන අතර ඒ සමග වමනය, හිසරදය, ශරීරයේ අප්රාණික බව, මුත්රා සමග ලේ පිටවීම, මුත්රා පිටවීම අඩුවීම වැනි රෝග ලක්ෂණද ඇති විය හැකි බවත් ඇය මෙහිදි පෙන්වා දුන්නාය.
මෙම රෝගී ලක්ෂණ පවතින්නේ නම් ඉක්මනින් ප්රතිකාර ලබා ගැනීමෙන් රෝගය දරුණු මට්ටමට පැමිණීම වළක්වා ගත හැකි බවත් එසේ නොවුන හොත් වකුගඩු, අක්මාව, මොලය ඇතුළු ශරීරයේ අවයව සඳහා දැඩි හානි පමුණුවන අතර මරණයට පවා පත් විය හැකි බවත් ඇය පෙන්වා දුන්නාය.
කුඹුරු හා ජලය ආශ්රිත රැකියවන් සඳහා යොමුවන පිරිස් සඳහා සෞඛ්ය අමාත්යාංශය විසින් ප්රතිජිවක ඖෂධ ලබා දෙන බවත් එ් අනුව තමන්ගේ ප්රදේශයට අදාළ සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරයා මගින් අදාළ ප්රතිජීවක ඖෂධ නොමිලයේ ලබා ගත හැකි බවත් ඇය වැඩිදුරටත් අදහස් දක්වමින් පැවසුවාය.
