මේ හේතුවෙන් අදාළ සමාගම විසින් මෙරට ණය ශ්‍රේණිගත කිරීම් සඳහා උසස්වීමක් ප්‍රකාශයට පත්කර ඇති බව වාර්තා වේ.
ඒ අනුව දිගුකාලීන විදේශ මුදල් නිකුත් කරන්නන්ගේ ශ්‍රේණිගත කිරීම CCC සෘණ මට්ටමේ සිට CCC ධන මට්ටම දක්වා අදාළ උසස් වීම ලබා දී ඇති බව සඳහන්ය.
ජාත්‍යන්තර ණය ප්‍රතිව්‍යූහගත කිරීමේ සාර්ථකත්වය වැඩි දියුණු කළ සාර්ව ආර්ථික දර්ශක සහ දේශීය මුදල් පැහැර හැරීමේ අවධානම අඩු කිරීම මෙමගින් පිළිඹිබු කරන බව ෆිච් රේටින් සමාගම පවසයි.
මේ අතර විදේශ ණය ප්‍රතිව්‍යුහගතකරණයට අනුව භාණ්ඩාගාර බැඳුම්කර අටක් මගින් ජාත්‍යන්තර ස්වෛරී බැඳුම්කර හුවමාරු කර ඇති බව ශ්‍රී ලංකා මහ බැංකුව පවසයි.
මහ බැංකුව පෙන්වා දෙන්නේ මෙම සියලු බැඳුම්කර රුපියල් මිලියන දහනවදහස් හාරසිය හැටහයයි දශම එකක වෙන්කළ මුදලකින් සමන්විත බවය.
ශ්‍රී ලංකාව ණය ගෙවීම් පැහැර හැර නිල වශයෙන් බංකොලොත් බව ප්‍රකාශ කිරීම මත ශ්‍රී ලංකාව ණය ශ්‍රේණිගත කිරීම් වල පහළම අඩියකට ඇද දැමීම සිදු විය. ඒ අනුව මෙරට රජයට කිසිදු විදේශීය ණයක් ලබා ගැනීමේ හැකියාව අහෝසි විය. ජාත්‍යන්තර මුල්‍ය අරමුදලේ ආර්ථික ප්‍රතිසංස්කර නිර්දේශ ක්‍රියාත්මක කිරීම සම ඊට සමගාමීව ණය ප්‍රතිව්‍යුහගත කිරීමේ වැඩපිළිවෙල සාර්ථක කර ගැනීමට හිටපු ජනපති රනිල් වික්‍රමසිංහ සමයේ ගත් කඩිනම් පියවරයන් මත කෙටි කාලයක් තුළ මෙම සාර්ථකත්වය උදා වීමට ප්‍රධානම හේතුව විය. මේ අනුව නිල වශයෙන්ම බංකොලොත් බව අත් මිදීම මේ වන විට සිදුව ඇත.
