ආණ්ඩුවට ඉතිහාසයේ වැඩි ම අගයකින් විදුලි බිල අඩු කිරීමට අවස්ථාව පවතින බව ත් එම වෘත්තීය සමිති සන්ධානය මතු කරයි.
සමගි ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත මහතා කොළඹදී පෙරේදා (ජන. 15දා) මාධ්‍ය වෙත මේ බව පැවැසුවේය.
රනිල් වික්‍රමසිංහ ආණ්ඩුව 2023 වසරේ ඩොලර් එකට රුපියල් රුපියල් 367ක් ගෙවන අවස්ථාවේ දී බොර තෙල් බැරලයක මිල ඩොලර් 110ට තිබූ බව ත් එහිදී විදුලි-බල මණ්ඩලයට දැවිතෙල් ලබා දුන්නේ අඩු මිලට බව ත් ඔහු පැවසීය.
අද වන විට ඩොලර් එකට වටිනාකම රුපියල් 296ක් බවත් බොර තෙල් බැරලය ඩොලර් 75ක් බව ඔහු කීය.
මේ අනුව ජනතාවට එළැඹෙන සිංහල හින්දු අලුත් අවුරුදු සතුටින් සැමරීම සඳහා බිල අඩු කිරීමක් ආණ්ඩුවෙන් අනිවාර්යයෙන්ම බලාපොරොත්තු වන බව ඔහු පැවසීය.
