ලොතරැයි පත් වර්ග පහකට අදාළ ත්‍යාග මෙලෙස ලබා ගෙන නොමැති බව හෙළි වී ඇත්තේ ජාතික විගණන කාර්යාලය කළ පරීක්ෂණයකිනි .
එම මුදල් ඒකාබද්ධ අරමුදලට බැර කර නොමැති බව පවසන එම පරීක්ෂණ වාර්තාව ලොතරැයි මණ්ඩල පනත අනුව මාස හයක කාලයකින් පසු ලබා නොගන්නා එම ත්‍යාග රාජසන්තක කර ඒකාබද්ධ අරමුදලට බැර කළ යුතු බවත් පෙන්වා දෙයි.
එම මුදල් ඒකාබද්ධ අරමුදලට බැර නොකිරීම සම්බන්ධයෙන් වන කරුණු ඇතුළත් රීති විශේෂ ගැසට් නිවේදනයකින් පසුගිය එම වසරේ ජුනි මාසයේ දී ප්‍රකාශයට පත් කර තිබෙන බව මේ සම්බන්ධයෙන් විගණන කාර්යාලය කළ විමසුමට ප්‍රතිචාර ලෙස මණ්ඩලය දන්වා ඇත.
කෙසේ වුව ද පනතේ විධිවිධාන අනුව සියලු දිනුම් ඇදීම්වලින් පසු මාස හයක් ඇතුළත ඉදිරිපත් නොවන ත්‍යාගලාභීන්ගේ ත්‍යාග මුදල් රාජසන්තක කර ඒකාබද්ධ අරමුදලට ලබා දිය යුතු බවට විගණන කාර්යාලය නිර්දේශ කර තිබේ.
