ඊශ්‍රායල පාර්ලිමේන්තුවේ පිහිටුවා ඇති පාර්ලිමේන්තු මිත්‍රත්ව සංගමයේ වාර්ෂික හමුවේ මේ පිළිබඳ සාකච්ඡාවට භාජනය වී ඇත.
මෙහිදී ශ්‍රී ලාංකිකයන් මෙන්ම වෙනත් ජාතිකයන් ද වීසා නොමැතිව සිටින බැවින් ඒ පිළිබඳ ඊශ්‍රායල පාර්ලිමේන්තුවේ විදේශ සේවකයන් පිළිබද කමිටුව හමුවේ කරුණු දක්වන ලෙස දන්වා තිබේ.
ඒ අනුව ඊළඟ සාකච්ඡාවේදී මෙම ගැටලුව පිළිබඳ ඊශ්‍රායල පාර්ලිමේන්තුවේ විදේශ සේවකයන් පිළිබඳ කමිටුව හමුවේ කරුණු දැක්වීමට බලාපොරොත්තු වන බව නිමල් බණ්ඩාර පවසයි.
මේ අතර මෙම සාකච්ඡාවේ දී ශ්‍රී ලංකා පාර්ලිමේන්තු නිලධාරීන්ට ඊශ්‍රායලයේ දී ලබාගත හැකි පුහුණුවීම පිළිබඳවද සාකච්ඡා පවත්වා ඇත.
මෙම හමුවට ඊශ්‍රායල - ශ්‍රී ලංකා මිත්‍රත්ව සංගමයේ සභාපති Dr. Tsega Melaku, එරට විදේශ කටයුතු අමාත්‍යංශයේ නිලධාරින්, පාර්ලිමේන්තුවේ විදේශ ප්‍රතිපත්ති අංශයේ නිලධාරීන් හා ඊශ්‍රායලයේ ශ්‍රී ලංකා තානාපති කාර්යාලයේ නියෝජ්‍ය ප්‍රධානි හේමන්ත ඒකනායක ඇතුළු පිරිසක් සහභාගි වූහ.
ශ්‍රී ලාංකිකයෝ විසිපන්දහසක් ඊශ්‍රායලයේ මේ වෙන විට රැඳී සිටිති.
