ඒ අනුව ගෘහස්ථ හිංසන, සයිබර් අපරාධ, ලිංගික හිරිහැර, මත්ද්‍රව්‍ය සම්බන්ධ ගැටලු, ඖෂධ සම්බන්ධ ගැටලු, ලිංගික සංක්‍රාන්ති සම්බන්ධ ගැටලු සහ අධ්‍යාපනය සම්බන්ධ ගැටලුවලට අදාළව එම දුරකථන ඇමතුම් ලැබී තිබේ.
ඉන් දුරකථන ඇමතුම් වැඩි සංඛ්‍යාවක් ලැබී ඇත්තේ අගෝස්තු මාසයේ වන අතර එම සංඛ්‍යාව දෙදහස් පන්සිය හැටනවය (2,569)කි.
මෙලෙස අන්තර්ජාලය ඔස්සේ සිදුවන බලපෑම් හේතුවෙන් ඇතිවන මානසික ගැටලුවලට මානසික සෞඛ්‍ය විද්‍යායතනය හා hithawathiya.com ආයතනය එක්ව එම ගැටලුවලට විසඳුම් ලබා දී තිබේ.
තවද වයස අවුරුදු විස්සට වැඩි පුද්ගලයන් මෙවැනි ගැටලුවලට වැඩි වශයෙන් මුහුණ දී ඇති බවද අනාවරණය වෙයි.
මේ අතර වයස අවුරුදු විස්සට වඩා අඩු තරුණ පිරිස් ජාතික මානසික සෞඛ්‍ය ආයතනයේ 0755551926 දුරකථන අංකය සමග සම්බන්ධවී වට්ස්ඇප් මාර්ගයෙන් සිය ගැටලු පිළිබඳ සාකච්ජා කිරීමේ ප්‍රවණතාවක් ද පවතී.
කිසියම් පුද්ගලයකුට මානසික ගැටලු ඇත්නම් ජාතික මානසික සෞඛ්‍ය විද්‍යායතනයේ 1926 දුරකථන අංකයට ඇමතුමක් ලබා දිය හැකි අතර නැත්නම් එම අංකයට කෙටි පණිවුඩයක් යොමුකිරීමටද හැකියාව ඇතැයි එම විද්‍යායතන වැඩිදුරටත් සඳහන් කරයි.
