ටික­ට්පත් මිල දී ගැනීම සහ වලංගු කිරීම පහත වැටී­මට හේතුව මෙම වෙබ් අඩ­විය සම්බ­න්ධ­යෙන් මහ­ජ­න­තාව අතර ප්‍රමා­ණ­වත් දැනු­ව­ත්භා­ව­යක් නොමැ­ති­කම සහ ටික­ට්පත් වලංගු කිරී­මට සපයා ඇති උපාංග භාවිත කිරී­මට ශ්‍රී ලංකා දුම්රිය දෙපා­ර්ත­මේ­න්තුවේ අදාළ නිල­ධා­රීන් දක්වන අකැ­මැත්ත බව ද එහි දැක්වේ.

ආසි­යානු සංව­ර්ධන බැංකුවේ අනු­ග්‍ර­හ­යෙන් අමෙ­රි­කානු ඩොලර් මිලි­යන 19.3ක විය­ද­මක් දරා අදි­යර තුනක් යටතේ ඒකා­බද්ධ ව්‍යාපා­ර­යක් ලෙස මෙම සුහුරු ප්‍රවේ­ශ­පත් නිකුත් කිරීමේ හා ආසන් වෙන් කිරීමේ කාර්යය ඇතුළු දුම්රිය දෙපා­ර්ත­මේ­න්තුවේ කාර්ය­යන් 16ක් මේ ව්‍යාපෘ­තිය මඟින් ආරම්භ කර ඇත.

ඒ සඳහා එක්සත් ජන­පද ඩොලර් මිලි­යන 1.6ක් අත්ති­කා­රම් ලෙස ගෙවා ඇති බවත් විග­ණ­න­යට නිරී­ක්ෂ­ණය වී තිබේ.

තවද, මෙම පද්ධ­තියේ උප­දේ­ශන සේවා සඳහා තවත් පාර්ශ්ව­ය­කට රුපි­යල් මිලි­යන 6.6ක් ගෙවා ඇති අතර සුහුරු ප්‍රවේ­ශ­ප­ත්වල වලං­ගු­භා­වය පරීක්ෂා කිරීම සඳහා භාවිත කරන උප­ක­රණ 900ක් මිලදී ගැනීම සඳහා රුපි­යල් මිලි­යන 151.7ක් ගෙවා දුම්රිය ස්ථාන 344කට බෙදා දී ඇත.

2024 අගෝස්තු මාසය වන විට ගිවි­සු­ම්ගත වූ කාර්ය­යන් 16න් සුහුරු ප්‍රවේ­ශ­පත් නිකුත් කිරීමේ වෙබ් අඩ­විය ස්ථාප­නය කිරීමේ කාර්යය පම­ණක් අව­සන් කර ඇත. එයින් නිකුත් කරන ලද සුහුරු ප්‍රවේ­ශ­පත් අලෙ­විය මුළු ප්‍රවේ­ශ­පත් අලෙ­වි­යෙන් සිය­යට 1කටත් වඩා අඩු මට්ට­මක පැවැති ඇති අතර සුහුරු ප්‍රවේ­ශ­පත්‍ර වලං­ගු­ක­රණ උපාංග භාවි­ත­යෙන් ප්‍රවේ­ශ­පත්‍ර වලං­ගු­භා­වය පරීක්ෂා කර ඇත්තේ අලෙවි කරන ලද සමස්ත සුහුරු ප්‍රවේ­ශ­ප­ත්‍ර­ව­ලින් සිය­යට 0.6කටත් වඩා අඩු ප්‍රමා­ණ­යක පම­ණක් බවත් එම වාර්තාවේ දැක්වෙයි.

ගිවි­සු­මට අනුව 2024 මැයි වන විට ව්‍යාපෘ­තිය යටතේ ඇති අනෙ­කුත් කාර්ය­යන් 15ක්ද අව­සන් කිරී­මට නිය­මි­තව තිබුණ ද එම කාර්ය­යන්හි භෞතික ප්‍රග­තිය සිය­යට 0 සිට 20 දක්වා මට්ට­මක පැවැති බව ද එම වාර්තාවේ වැඩි­දු­ර­ටත් සඳ­හන් වේ.

ශ්‍රී ලංකා දුම්රිය දෙපා­ර්ත­මේ­න්තුව සමඟ මෘදු­කාංග අව­ශ්‍යතා පිරි­වි­තර සකස් කිරී­මට කොන්ත්‍රා­ත්කරු විසින් සැල­කිය යුතු කාල­යක් ගත කිරීම හේතු­වෙන් ව්‍යාපෘ­තිය ප්‍රමාද වූ බවක් දක්නට ලැබුණු බව මේ සම්බ­න්ධ­යෙන් කළ­ම­නා­කා­රි­ත්වය සඳ­හන් කර තිබේ.