ඒ මහතා එහිදී වැඩිදුරටත් මෙසේ පැවසිය.
"දේශපාලනඥයෝ හැටියට අපිටත් ඉවසීමෙන් කටයුතු කරන්න වෙනවා. අවුරුදු ගණනාවක් තිස්සේ මේ විදිහට ගොඩනැගෙමින් තිබෙන ප්‍රශ්න විසඳාගෙන එනකොට නොයක් අභියෝග එනවා. යකඩ තළන සද්දේ හුරු කම්මලේ බල්ලට හෙණ ගැහුවත් ගාණක් නැහැ කියනවා වගේ අවුරුදු 42ක් දේශපානය කරපු කෙනෙක් හැටියට මට සමහර සද්ද ඇහෙන්නේ නැහැ."
කෙසේ නමුත් අමාත්‍යවරයාගේ මෙම ප්‍රකාශයෙන් කියවෙන්නේ සෞඛ්‍ය ක්ෂේත්‍රයේ මේ වනවිට ඇතිවී තිබෙන අර්බුදකාරී තත්වය ගැන පමණකම නොව එම අර්බුද තම අගමැති සිහිනය බොඳ කිරීමේ කුමන්ත්‍රණයක් දක්වා ගමන්කරමින් තිබීම සම්බන්ධයෙන් විය හැකි බව දේශපාලන විචාරකයෝ පවසති.
ශ්‍රී ලංකා නිදහස් පක්ෂයේ මහලේකම්වරයා වන මෛත්‍රීපාල සිරිසේන මහතා සතුව තිබූ එම පක්ෂයේ මැතිවරණ මෙහෙයවීමේ බලය ඇතුළු තවත් බලතල කිහිපයක් මේ වනවිටත් එම පක්ෂයේ ජාතික සංවිධායක බැසිල් රාජපක්ෂ ඇමතිවරයා වෙත පවරාගෙන තිබේ.
