මෙම ඉල්ලා අස්වීමට හේතුව ලෙස දැන ගැනීමට ලැබෙන්නේ, ඉහළ දේශපාලන අධිකාරියෙන් සහ ආණ්ඩු පාක්ෂික ප්රාදේශීය දේශපාලකයන්ගෙන් එල්ල වන පිඩනය තවදුරටත් දරා ගැනීමට නොහැකි වීම නිසා ඇය මෙම තීරණය ගෙන ඇති බවය.
විශේෂයෙන්ම භාණ්ඩාගාරය නිකුත් කර තිබෙන චක්ර ලේඛ වලට පටහැනිව තීන්දු ගැනීමට බලකිරීම් ගනනාවක් සිදුව ඇති පසුබිමක ඇය ඉල්ලා අස්වීමේ ලිපිය භාර දී තිබේ.
සඳමාලි චන්ද්රසේකර මහත්මිය, කොළඹ විශ්ව විද්යාලයෙන් නීතිය - මහජන නීතිය සහ ආණ්ඩුක්රම ව්යවස්ථා නීතිය පිළිබඳ ශාස්ත්රපති උපාධිධාරණියක් වන අතර නීති වෘත්තිකයෙක් ලෙසද කටයුතු කරයි. එසේම ඇය මීට පෙර පෞද්ගලික සමාගම් කිහිපයක වගකීම් උසුලමින් ව්යාපාර ක්ෂේත්රයේ අත්දැකීම් රැසක් ඇති අයෙකු වෙනවා.
වත්මන් ආණ්ඩුව යටතේ මීට පෙර ලංකා සීනි සමාගමේ සභාපති ලෙස පත් කළ රුක්ෂාන් ගුණතිලක මහතා ද ඉල්ලා අස් වූ අතර එයට හේතු වී තිබුණේ ද නීතියට පිටින් කටයුතු කිරීම සඳහා ආණ්ඩුවේ දේශපාලකයන්ගෙන් එල්ල වු බලපෑමය.
