කෙසේවෙතත් ඉකුත් දින කිහිපයේ මෙන්ම අදත් ප්රදේශ ගණනාවක ගෑස් හිඟයක් දක්නට ලැබුණි.
ලිට්රෝ සහ ලාෆ්ස් ගෑස් හිඟයක් පවතින බවට දිවයිනේ ප්රදේශ කිහිපයකම පාරිභෝගිකයින් මැසිවිලි නැගූ අතර ඇතැම් ස්ථානවල ගෑස් මිලදී ගැනීම සඳහා පාරිභෝගිකයන් පෝලිම්වල රැඳී සිටිනු දක්නට ලැබුණි.
කෙසේ වෙතත් අවශ්ය පරිදි ප්රමාණවත් තොග පවත්වා ගැනීම සඳහා නව ඇණවුම් සිදුකර ඇති බවත්, ඒ අනුව පෙබරවාරි මාසය අවසන්වීමට පෙර ගෑස් නෞකා තුනක් පැමිණීමට නියමිතව ඇති බවත් ලිට්රෝ ගෑස් සමාගම නිවේදනය කළේය.
මෙවන් පසුබිමක අද උදෑසන වන විට ප්රදේශ කිහිපයකට නව ගෑස් තොග ලැබී තිබුණි.
කෙසේවෙතත් ඇතැම් ප්රදේශවලට තවමත් ලිට්රෝ ගෑස් ලැබී නොමැති බවද වාර්තා වෙයි.
එමෙන්ම ප්රදේශ රැසක තවමත් ලාෆ්ස් ගෑස් හිඟයක් ද පවතින අයුරු දක්නට ලැබෙයි.
මේ අතර පාරිභෝගික කටයුතු පිළිබඳ අධිකාරියේ සභාපති හේමන්ත සමරකෝන් මහතා පවසන්නේ පෙබරවාරි 26 වැනිදා සිට ලාෆ්ස් ගෑස් වෙළෙඳපොළට නිකුත් කරන බව අදාළ සමාගම දැනුම්දී ඇති බවය.
කෙසේවෙතත් සමගි ඒකාබද්ධ වෘත්තිය සමිති බලවේගය පවසන්නේ, දේශීය ගෑස් නිපදවීමට 2012 වසරේදී ගෙනආ සියලු උපකරණ මෙතෙක් ක්රියාත්මක කිරීමට වත්මන් රජය හෝ අසමත්වී ඇති බවය.
