මෙම නවීනතම ලොව දියුණු රටවල සිදුකෙරෙන බයිපාස්‌ හදවත් සැත්කමේදී සාමාන්‍ය බයිපාස්‌ හදවත් සැත්කමකදී රෝගියාගේ පපුවෙහි සිදුකරනු ලබන අඟල් 8 ත් 10 ත් අතර වූ කැපුම අඟල් 2 ත් 3 ත් අතර වූ සුළු කැපුමක්‌ දක්‌වා අඩු කෙරෙන බව වෛද්‍ය ගුප්තා කීවේය. නාරාහේන්පිට ආසිරි ශල්‍ය රෝහලේ සිදුකරනු ලබන මෙම නවීනතම බයිපාස්‌ හදවත් සැත්කමට යොදා ගන්නා තාක්‌ෂණය එම්අයිසීඑස්‌ ක්‍රමවේදය නමින් හැඳින්වේ.

දැනටමත් මෙවැනි සැත්කම් 12 ක්‌ එම රෝහලේදී සියයට සියයක සාර්ථකත්වයකින් සිදු කර ඇති බව ඔහු කීවේය.

මෙහිදී එම්. අයි සී. එස්‌. ක්‍රමවේදය යටතේ පපුවෙහි මැද පිහිටි අස්‌ථියෙහි කැපුමක්‌ සිදු නොකරන අතර රුධිර නාල අවහිර වී ඇති ස්‌ථාන කිහිපයක එම අවහිරතා මඟහැරවීමට පියවර ගැනේ. මෙහිදී සැත්කම සිදු කරනුයේ සාමාන්‍ය බයිපාස්‌ හදවත් සැත්කමකදී රෝගියාගේ හෘදය වස්‌තුව කෘත්‍රිමව ක්‍රියාකරවීම සඳහා සැත්කම අතරවාරයේදී සවිකරනු ලබන හෘද පෙනහළු උපකරණයද (හා(ර්)ට්‌ ලන්ස්‌මෙෂින් නොමැතිවය.

"ඔක්‌ටොපස්‌ හෙවත් බූවල්ලා නමැති තාක්‌ෂණය භාවිතයෙන් රෝගීන්ගේ හෘදය වස්‌තුව මෙහිදී සැත්කම පුරා සජීවීව ක්‍රියාකාරිත්වයේ පවත්වා ගන්නා බව වෛද්‍ය ගුප්තා කීවේය. සාමාන්‍ය බයිපාස්‌ හදවත් සැත්කමක්‌ සිදුකර ගත් පසු රෝගියාට සති 6 ක්‌ අනිවාර්යයෙන් විවේක ගත යුතු වුවද මෙම නවතම සැත්කම යටතේ එය දින 4 කට සීමා වන බව හෙතෙම සඳහන් කළේය. පසුගිය 24 දා නාරාහේන්පිට ආසිරි ශල්‍ය රෝහලේ පැවැති ප්‍රවෘත්ති සාකච්ඡාවකදී මෙම කරුණු අනාවරණය විය.