මිනිස්සු නොහදා, පාරවල් හදලා වැඩක් නැහැ

මිනිස්සු නොහදා, පාරවල් හදලා වැඩක් නැහැ - ජනක බණ්ඩාර

Published in පුවත්

Monday, 13 October 2014 20:50

Be the first to comment!

මිනිස්සු නොහදා, පාරවල් හදලා වැඩක් නැහැ - ජනක බණ්ඩාර

''පාරවල් හදලා ගොඩනැගිලි හදලා බැහැ. මිනිස්සු හදන්න ඕනි. මිනිස්සු හැදුවේ නැතිනම් අපි මේ මොනවා දුන්නත් වැඩක් නැහැ. මිනිස්සුන්ට අපි ආදරය කරන්න ඕන. අද දරු පරපුර සමාජ අසාධාරණකම්වලින් මුදා ගැනීමට නම් සමාජයේ සෑම තරාතිරකම පවුලකම ජීවත්වන දරුවන් අපේ දරුවෝ කියන හැඟීමෙන් යුක්තව කටයුතු කළ යුතුයි.'' යැයි පසුගියදා දඹුල්ලේ පැවති උත්සවයකට එක් වෙමින් ඉඩම් හා ඉඩම් සංවර්ධන අමාත්‍ය ජනක බණ්ඩාර තෙන්නකෝන් මහතා පැවසිය.

ආණ්ඩුව සංවර්ධනය සංවර්ධනය යැයි ප්‍රකාශ කරමින් ගොඩනැගිලි හා පාරවල් ඉදිකළත් ඇත්ත සංවර්ධනයක් සිදු වී නොමැති බව ආණ්ඩුවේම ප්‍රබල ඇමතිවරයකු වන ජනක බණ්ඩාර ඇමතිවරයාගේ මෙම ප්‍රකාශයෙන් තහවුරු වේ.

මහින්ද රාජපක්ෂ ජනාධිපතිවරයා සමඟ බරපතල විරසකයකින් සිටින ජනක බණ්ඩාර අමාත්‍යවරයා මේ වන විට ප්‍රසිද්ධියේ රාජපක්ෂ පාලනය විවේචනය කරන පිරිසේ පෙරමුණේ සිටින්නෙකි.

රාජපක්ෂ පවුල් පාලනයට එරෙහිව මේ වනවිට සන්ධානය අභ්‍යන්තරයෙන්ම බරපතල බෙදීමක් නිර්මාණය වී තිබෙන අතර එහි පෙරමුණේ ජනක බණ්ඩාර ඇමතිවරයාද ඇතුළුව ශ්‍රිලනිපයේ ජ්‍යෙෂ්ඨයින් පිරිසක් සිටින බවත් වාර්තා වේ.