අමාත්‍යවරයා මේ බව කියා සිටියේ විදුලිබල හා බලශක්ති ඇමතිනි පවිත්රා වන්නිආරච්චි විසින් ඊයේ (23) පාර්ලිමේන්තුවේදී 2012 වසරේ ගල් අඟුරු ආනයනයේදී රුපියල් මිලියන 1507 ක මූල්‍ය පාඩුවක් සිදුව ඇති බවට සිදුකළ ප‍්‍රකාශයට පිළිතුරු ලබාදීම සඳහා අද පැවති මාධ්‍ය හමුවකට එක්වෙමිනි.
අදාළ අක‍්‍රමිකතාවලට සම්බන්ධ වූ නිලධාරින්ට එරෙහිව දැඩි කි‍්‍රයාමාර්ග ගත යුතු බව ප‍්‍රකාශ කළ අමාත්‍යවරයා ඔවුන්ට එරෙහිව දැඩි දඬුවම් ලබාදිය යුතු බව ද සඳහන් කළේය.
මේ රටේ සිදුවන්නේ නැත්තේ දඬුවම් දීම පමණක් බවත් මෙවැනි ගනුදෙනුවක් මතක් වී ඇත්තේ අවුරුදු 2ට පසුව බවත් හෙතෙම කියා සිටියේය.
ලංකාවේ ගල් අඟුරු මාෆියාවක් පවතින බවත්, 2012 වර්ෂයේ සිට කිසිම නිල ටෙන්ඩර් පටිපාටියකින් තොරව ලංකාවට ගල් අඟුරු ගෙන එන බවත්, මේ පිළිබඳව නිවැරදි පරීක්ෂණයක් සිදුකර මෙම ජාවාරම පිටුපස සිටින පුද්ගලයන් කවුරුන්ද යන්න රටට හෙළිකළ යුතු බවත් අමාත්‍යවරයා පැවසීය.
