මෙරට සිටින මානසික රෝගීන් සංඛ්‍යාව සහ මානසික රෝග වර්ග පිළිබඳව හඳුනාගැනීම මෙම සංගණනයේ අරමුණය.
සංගණනයට අදාළ මූලික කටයුතු වන ප්‍රශ්න මාලාව සකස් කිරීම මේ දිනවල සිදුවන බව සෞඛ්‍ය අමාත්‍යාංශය සඳහන් කළේය.
ප්‍රශ්න මාලාව සකස් කිරීමෙන් අනතුරුව කොළඹ දිස්ත්‍රික්කය තුළ මෙම සංගණනයට අදාළ අත්හදා බැලීමට වැඩසටහනක් ක්‍රියාත්මක කිරීමට නියමිතය.
ලබන වසරේ දී මෙම සංගණනය දිවයින පුරා ක්‍රියාත්මක කිරීමට සැලසුම් කර ඇති බව සෞඛ්‍ය අමාත්‍යාංශය සඳහන් කළේය.
සෞඛ්‍ය අමාත්‍යාංශයේ මානසික සෞඛ්‍ය ඒකකය විසින් මෙම සංගණනය සිදුකරයි.
