උපාධිය හැදෑරීමට සුදුසුකම් තිබියදීත් ආර්ථික අපහසුකම් මත අනධ්‍යයන සේවයට එක්ව පසුව උපාධිය ලබාගත් සියලූම දෙනා ඌන සේවා උපාධිධාරීන් ගණයට අයත්වන බවත්,එලෙස ඌන සේවා උපාධිය ලබාගන්නා අයට සුදුසු රැකියා ලබාදීම සාමාන්‍ය ක‍්‍රමවේදය බවත් එම සංගමයේ ප‍්‍රධාන ලේකම් අජිත් කේ තිලකරත්න මහතා සදහන් කළේය.
අධ්‍යාපන අමාත්‍යංශය යටතේ ඌන සේවා උපාධිධාරීන්ට සුදුසු රුකියා ලබාදීමට වැඩපිළිවෙළක් නොමැති වීම නිසා උපාධිය ලැබූ දහසකට අධික පිරිසක් තවමත් අධ්‍යාපන අනධ්‍යයන සේවාව යටතේ සුළු රැකියාවල නිරත වෙමින් සිටින බවද ඔහු පවසා සිටියේය.
මෙම වාතාවරණය මත සිදුවන්නේ ඉදිරියේදී උපාධිය ලබාගැනීමට සිටින පිරිස අධෛර්යමත් වීම බවත්,උපාධිය ලබාගත් පිරිස් කම්කරු රැකියාවල යෙදවීම උපාධිය හෑල්ලූවට ලක් කිරීමක් බවත් ඔහුසදහන් කළේය.
