ඉදිරි ජනාධිපතිවරණයේදී ඡන්ද හිමි නාම ලේඛණයට අනුව ජාතික හැදුනුම්පතක් හෝ පිළිගනු ලබන අනන්‍යතා පත්‍රයක් නොමැති වීම හේතුවෙන් ඡන්දය ප්‍රකාශ කිරීමේ අයිතිය අහිමිවන පිරිසගේ ඡන්ද අයිතිය ආරක්ෂා කර දීම සදහා කැෆේ සංවිධානය, ශ්‍රිලංකා මානව හිමිකම් කේන්ද්‍රය (CHR) මෙම ජංගම සේවා ක්‍රියාත්මක කරයි.
මෙම ජාතික හැඳුනුම්පත් සහ අනන්‍යතා සහතික ලබාදීමේ ජංගම සේවයේ තවත් අදියරක් නොවැම්බර් 21 වනදා සිට 25 වනදා දක්වා ත්‍රිකුණාමල සහ බදුල්ල දිස්ත්‍රික්ක වලදී පැවැත්වේ. සායන පැවැත්වෙන ස්ථානයන් මෙසේය.
ත්‍රිකුණාමල දිස්ත්‍රික්කය
නොවැ 21 - වෙරුගල් ප්‍රා.ලේ කාර්යාලය (වෙරුගල් ප්‍රා ලේ කොට්ඨාසය ), නොවැ 22 - සහිරා විද්‍යාලය - පාලයිතෝප්පුර් (මුතූර් ප්‍රා ලේ කොට්ඨාසය ) ,නොවැ 23 - සේනයුර් මධ්‍ය විද්‍යාලය (මුතූර් ප්‍රා ලේ කොට්ඨාසය) නොවැ 23 - කන්තලේ ප්‍රා. ලේ කාර්යාලය (කන්තලේ ප්‍රා ලේ කොට්ඨාසය), නොවැ 24 - පදවි ශ්‍රි පුර ප්‍රා ලේ කාර්යාලය (පදවි ශ්‍රි පුර ප්‍රා ලේ කොට්ඨාසය)
බදුල්ල දිස්ත්‍රික්කය
නොවැ 21- පස්සර ප්‍රා ලේ කාර්යාලය (පස්සර ප්‍රා ලේ කොට්ඨාසය), නොවැ 22- පස්සර ප්‍රා ලේ කාර්යාලය (පස්සර ප්‍රා ලේ කොට්ඨාසය),නොවැ 23 - බදුල්ල ප්‍රා ලේ කාර්යාලය (බදුල්ල ප්‍රා ලේ කොට්ඨාසය), නොවැ 24- ඇල්ල ප්‍රා ලේ කාර්යාලය (ඇල්ල ප්‍රා ලේ කොට්ඨාසය), නොවැ 25- හාලි ඇල ප්‍රා ලේ කාර්යාලය (හාලි ඇල ප්‍රා ලේ කොට්ඨාසය)
සෑම දිකනම පෙරවරු 9.00 සිට පස්වරු 5.00 දක්වා මෙම සායන පැවැත්වෙයි. මෙම ජංගම සේවා වලදී ජාතික හැදුනුම්පත් ලබාදීම පුද්ගලයින් ලියාපදිංචි කිරීමේ දෙපාර්තමේන්තුව හරහා ද, උප්පැන්න සහතික ඇතුඵ අනෙකුත් ලේඛන ලබාදීම ප්‍රාදේශීය ලේකම් කාර්යාල මගින් ද සිදුකෙරෙයි.
මෙහිදී ජාතික හැදුනුම්පත් නිකුත් කිරීමේදී අවශ්‍ය වන ඡායාරූප කැෆේ සංවිධානය සහ ශ්‍රිලංකා මානව හිමිකම් කේන්ද්‍රය (CHR ) විසින් නොමිලේ ලබා දෙන අතර මෙහිදී සැපයෙන කිසිදු සේවාවක් සදහා මුදලක් අය නොකෙරේ. වැඩසටහන සදහා මුල්‍ය අනුග්‍රහය දක්වන්නේ USAID ආයතනයේ SPICE ව්‍යාපෘතියයි.
මීට පෙර බදුල්ල දිස්ත්‍රික්කයේ ක්‍රියාත්මක කළ ජංගම සේවා වලින් ජාතික හැදුනුම්පත් 4281 ක් සහ උප්පැන්න සහතික 2121 නිකුත් කර ඇත. ත්‍රිකුණාමල දිස්ත්‍රික්කයේ ජාතික හැදුනුම්පත් 3750 ක් සහ උප්පැන්න සහතික 920 ක් නිකුත් කර තිබේ. මේ ආකාරයට ඉදිරි ජනාධිපතිවරණයට පෙර ජාතික හැදුනුම්පත් ඇතුළු අනන්‍යතා සහතික අහිමි විසිදහසක පමණ පිරිසකට මෙම ජංගම සේවා මගින් සේවා සැපයීමට අපේක්ෂා කරන බව ද කැෆේ සංවිධානය ප්‍රකාශ කරයි.
