පොදු අපේක්ෂකයාට අනුමැතිය ලබා ගැනීමේ යෝජනාව පාර්ලිමේන්තු මන්ත්රී ජෝශප් මයිකල් පෙරේරා සිංහල භාෂාවෙන් සභාවට ඉදිරිපත් කළ අතර එය දෙමළ භාෂාවෙන් ඉදිරිපත් කළේ පාර්ලිමේන්තු මන්ත්රී කේ. වේලායුදන්ය.
ඉන් අනතුරුව එක්සත් ජාතික පක්ෂ ජාතික නායක හා විපක්ෂ නායක රනිල් වික‍්‍රමසිංහ යෝජනාව සඳහා සභාවෙන් අනුමැතිය විමසනු ලැබුවේය. එහිදී පක්ෂ සාමාජිකත්වය පොදු අපේක්ෂක මෛත‍්‍රීපාල සිරිසේනට සහාය ලබාදීම සඳහා අනුමැතිය ලබා දුන්හ.
එක්සත් ජාතික පක්ෂ විශේෂ මහා සමුළුවේදී අදහස් දැක්වූ එම පක්ෂයේ මහලේකම්, පාර්ලිමේන්තු මන්ත්රී තිස්ස අත්තනායක ප‍්‍රකාශ කළේ කොළ පාට ආණ්ඩුවක් බිහි කිරීමට සියලූ පාර්ශව එක්ව කටයුතු කිරීමට තීරණය කළ බවය.
විශේෂ සමුළුව ඇමතූ එක්සත් ජාතික පක්ෂයේ ජාතික නායක රනිල් වික‍්‍රමසිංහ සඳහන් කළේ එක්සත් ජාතික පක්ෂය සියලූ බලවේග එක් කර ගනිමින් නව පාලනයක් ඇති කිරීම සඳහා කටයුතු කරමින් සිටින බවය.
ඒ සඳහා ජනපතිවරණයට ඉදිරිපත් වී ඇති පොදු අපේක්ෂක මෛත‍්‍රීපාල සිරිසේනට සහය දැක්වීමට එක්සත් ජාතික පක්ෂයේ මහා සමුළුවේ අනුමැතිය අද (06) දිනයේ ඒකමතිකව ලැබුණු බව එක්සත් ජාතික පක්ෂයේ ජාතික නායක රනිල් වික‍්‍රමසිංහ මෙහිදී වැඩිදුරටත් සඳහන් කළේය.
