2013 වසරේ දීද වැඩිම වාර ගණනක් ගූගල් වෙබ් අඩවිය ඔස්සේ ලිංගිකත්වය හෙවත් සෙක්ස් යන වචනය යොදා ගනිමින් සෙවුම් සිදුකළ රට බවට ශ්රී ලංකාව පත්වුණි.
ගූගල් වෙබ් අඩවිය වාර්ෂිකව නිකුත් කරන සිය සෙවුම් දත්ත ලැයිස්තුවේ මේ බව සඳහන්වේ. එම ලැයිස්තුවට අනුව ශ්රී ලංකාවට සියයට සියයක ප‍්‍රතිශතයක් හිමිව තිබේ. සෙක්ස් යන වචනය ගූගල් ඔස්සේ වැඩිම වාර ගණනක් සොයා ඇත්තේ බස්නාහිර පළාතෙනි. එහි ප‍්‍රතිශතය ද සියයට සියයක් ලෙස ගූගල් වෙබ් අඩවියේ දැක්වේ. දෙවැනි ස්ථානයේ පසුවන්නේ මධ්‍යම පළාතයි.
එහි ප‍්‍රතිශතය සියයට 39කි. සෙක්ස් යන වචනය සෙවු වැඩිම වාර ගණනක් සෙවු පුද්ගලයින් සිටින නගරය හෝමාගම ලෙස නම්කර ඇත. වැඩිම පිරිසක් සෙක්ස් යන වචනය යොදා ගනිමින් සෙවුම් සිදුකර ඇත්තේ අපේ‍්‍රල් මස 13 වැනිදා සිට 19 වැනිදා දක්වා කාලය තුළ බව ගූගල් වෙබ් අඩවියෙහි දැක්වේ.
නවතම වාර්තාවට අනුව සෙක්ස් යන වචනය යෙදො වැඩිම වාර ගණනක් සෙවුම් සිදුකළ රටවල් අතර දෙවැනි ස්ථානය ඉන්දියාවට හිමි ඇති අතර තුන්වැනි ස්ථානයට පසුවන්නේ බංග්ලාදේශයයි. නගර සැලකීමේ දී ප‍්‍රථම ස්ථානය චෙන්නායි නුවරටත් දෙවැනි ස්ථානය පුනේ නුවරටත් හිමිව ඇත. ශ්රී ලංකාවේ හෝමාගම නගරය එම ලැයිස්තුවේ නම් කර ඇත්තේ සිව්වැනි ස්ථානයටය.
