මෙම උද්ඝෝෂණ ව්‍යාපාරය සඳහා දිවයින පුරා විදුලි බල මණ්ඩලයට අනුයුක්තව සේවය කරන මෑන් පවර් සියළු සේවකයින් මෙම උද්ඝෝෂණ ව්‍යාපාරයට සහභාගී වී සිටියහ. උද්ඝෝෂණ ව්‍යාපාරය අතරතුර ලංකා විදුලි බල හා බලශක්ති අමාත්‍යාංශ ලේකම්වරයා විසින් ලංකා විදුලි සේවක සංගමයේ රංජන් ජයලාල් සහෝදරයා වෙත, මෙම සතිය තුල සියළු සේවක පත්වීම් ලබාදීමට කටයුතු කරන බව දන්වා ලිඛිත පොරොන්දුවක් ලබාදී ඇත.
පසුගිය කාලයේ විදුලි බල හා බලශක්ති අමාත්‍ය පවිත‍්‍රාදේවි වන්නිආරච්චි මහත්මිය විසින් සියළු සේවකයින් ස්ථිර කරන බව පැවසුවද එය තව දුරටත් කල්ගත වීම හේතුවෙන් සියළු මෑන් පවර් සේවකයෝ මෙලෙස උද්ඝෝෂණ ව්‍යාපාරය සඳහා එක් වී සිටියහ.
මෙම අවස්ථාවේදී ලංකා විදුලි සේවක සංගමයේ ප‍්‍රධාන ලේකම් රංජන් ජයලාල් පවසා සිටියේ සියළු සේවකයින් එකාමෙන් කරන ලද දැවැන්ත සටනකින් මෙම ජයග‍්‍රහණය අත්කර ගැනීමට හැකි වූ බවත් කෙසේ වුවත් එය පොරොන්දුවලට සීමාවීමට ඉඩ නොතියන බවත් මෑන් පවර් සියළු සේවකයින් ස්ථිර කරන තෙක් තම සටන නැවැත්වීමට සූදානම් නැති බවත්ය.
