ලසන්ත අලගියවන්න නියෝජ්‍ය ඇමතිවරයා හිටපු ජනාධිපතිනි චන්ද්‍රිකා කුමාරතුංගගේ ලේකම්වරයකු ලෙස කටයුතු කළ ඇයගේ සමීපතමයකු වන අතර ඔහු සමග ආණ්ඩුවට එක්වීමේ සූදානමින් සාකච්ඡා පවත්වන අනෙක් තිදෙනාද ගම්පහ දිස්ත්‍රික්කය නියෝජනය කරන පාර්ලිමේන්තු නියෝජිතයන් වේ.
මෙම පිරිස විපක්ෂයට එක්කර ගැනීමේ සාකච්ඡා මෙහෙයවනු ලබන්නේ පාර්ලිමේන්තු මන්ත්‍රී අචල ජාගොඩ මහතා විසින් බව පැවසේ. ජාගොඩ මහතා විමල් වීරවංශ ඇමැතිවරයා සමග ජනතා විමුක්ති පෙරමුණින් ඉවත්ව කලක් ජාතික නිදහස් පෙරමුණේ ක්‍රියාකාරිකයකුව සිටියකු වන අතර ඔහු මේ වනවිට පාර්ලිමේන්තුවේ ස්වාධීන මන්ත්‍රීවරයකු ලෙස කටයුතු කරයි.
අචල ජාගොඩ මහතා ආර්ථික සංවර්ධන ඇමැති බැසිල් රාජපක්ෂ මහතාගේ සමීපතමයකු ලෙස සැලකෙන අතර මේවන විට බැසිල් රාජපක්ෂ මහතාද මහින්ද රාජපක්ෂගේ ජනාධිපතිවරණ මෙහෙයුම් කටයුතුවලින් ඉවත්ව සිටී. එමෙන්ම ඔහු සම්බන්ධ පුවත් පළ කිරීම අත් හි‍ටුවීමට රාජ්‍ය මාධ්‍ය ආයතනවලට උපදෙස් ලැබී තිබුණු බව අප පසුගියදා වාර්තා කර සිටියෙමු.
