පිවිතුරු බව, ප්‍රඥාව සහ සාමූහිකත්වය සංකේතවත් කරමින් නෙලුම්මල පක්ෂයේ සංකේතය ලෙස යොදා ගෙන තිබෙන බව පවසන ගම්මන්පිල මහතා පක්ෂය පිහිටුවීම සම්බන්ධයෙන් මැතිවරණ කොමසාරිස් මහින්ද දේශප්‍රිය මහතා දැනුවත් කර ඇති බවත් මාධ්‍ය නිවේදනයක් නිකුත් කරමින් සඳහන් කරයි.
ජාතික හෙළ උරුමයෙන් වෙන් වී පැමිණි පළාත් පාලන මන්ත්‍රිවරු දහ අටක්, පළාත් සභා මන්ත්‍රිවරයකු හා වෙනත් පක්ෂවල පළාත් පාලන මන්ත්‍රිවරුන් තිදෙනකුගේ සහාය නව පක්ෂයට හිමිවී ඇති බවද මෙවර පැවැත්වෙන ජනාධිපතිවරණයේදී වත්මන් ජනාධිපති මහින්ද රාජපක්ෂ මහතාට සහාය පළ කිරීමට පිවිතුරු හෙළ උරුමය තීරණය කර ඇති බවද මාධ්‍ය නිවේදනයේ දැක්වෙයි.
කෙසේ නමුත් පිවිතුරු හෙළ උරුමයේ ප්‍රධාන අනුග්‍රාහකයා පාර්ලිමේන්තු මන්ත්‍රී ටිරාන් අලස් මහතා බව එම ආරංචි මාර්ග සඳහන් කරයි. උදය ගම්මන් පිලමහතාගේ සමීපතම මිතුරකු වන ටිරාන් අලස් මහතා පසුගිය පළාත් සභා මැතිවරණයේදීද ගම්මන්පිල මහතාගේ එම මැතිවරණ ව්‍යාපාරය සඳහා උදව් කළ බවද පැවැසේ.
