ඔහු නිවේදනයක් නිකුත් කරමින් ප‍්‍රකාශ කළේ එවැනි නීති විරෝධි කි‍්‍රයාවන්ට අදාළව පැමිණිලි ලැබීමේ සීඝ‍්‍රතාව බෙහෙවින් ඉහළ යමින් පවතින බවය. ද්‍රව්‍යමය ආධාර හා මූල්‍ය ආධාර ලබාදීම සම්බන්ධයෙන් ලැබී ඇති පැමිණිලි පිළිබඳ කඩිනම් සළකා බැලීමක් සිදු කරන බවද ඔහු නිකුත් කළ නිවේදනයේ සඳහන්වේ. එමෙන්ම මැතිවරණ කොමසාරිස්වරයා සියලූ පාර්ශවයන්ගෙන් ඉල්ලා සිටින්නේ ලබන අට වනදායින් පසුව අදාල සියළු වැඩසටහන් කි‍්‍රයාත්මක කරන ලෙසය.
මේ අතර ජල ගැලීම් සහ නාය යාම් හමුවේ පීඩාවට පත්ව සිටින ඡුන්ද දායකයින් වෙත තාවකාලික හැඳුනුම්පත් නිකුත් කිරීමේ කටයුතු ලබන පස් වනදා දක්වා සිදු කිරීමට මැතිවරණ කොමසාරිස්වරයා තීරණය කර අැත. තාවකාලික හැඳුනුම්පත් නිකුත් කිරීමේ කටයුතු පසුගිය දෙසැම්බර් මස තිස් එක්වනදායින් නිමාවට පත්වුවද ආපදා කළාප වල ජනතාව වෙනුවෙන් එම කටයුතු අද දිනයේද සිදුවේ.
