ඊයේ සවස පැවැති ජනාධිපතිවරයාට සහය දක්වන ශ්‍රීලනීප මන්ත්‍රීවරුන්ගේ මාධ්‍ය සාකච්ඡාව අවස්ථාවේදී ඔහුද පැමිණ සිටි නමුදු ඔහු මාධ්‍ය හමුවේ පෙනී සිටියේ නැත.
කෙසේ නමුත් කරුනා අම්මාන් රාජපක්ෂ රජය හා එකතුව සිටියේ ඔහුගේ ආරක්ෂාව පිළිබඳ ප්‍රශ්නය හේතුවෙනි. ඊත බරපතල ඝාතන චෝදනා රැසක් එල්ල වී ඇති කරුනා අම්මාන් එල්ටීටීඊය පරාජය කෙරුම සඳහා තීරණාත්මක සහයක් රාජපක්ෂ පාලනය වෙත ලබා දුන්නේය.
කරුණා අම්මාන් එල්ටීටීඊ සංවිධානයේන් ගලවා ගැනීම සිදු වූයේ රනිල් වික්‍රමසිංහ මහතා 2002 වසරේදී අගමැතිධුරය ලබමින් සිටියදී පැවැත්වූ සාම සාකච්ඡාවල ප්‍රතිපළයක් ලෙසිනි. එල්ටීටීඊ සංවිධානයේ යුධමය ශක්තිය අඩකින් පමණ අඩුවූයේ කරුණා අම්මාන්ගේ වෙන් වීමෙනි.
එල්ටිටීඊ වෙනුවෙන් වසර 20 කට වැඩි කාලයක් සටන්කිරීමෙන් අනතුරුව, විමුක්ති කොටින්ගෙන් කැඩී වෙන් වුනු කණ්ඩායමක් වන දෙමළ මහජන විමුක්ති කොටි පක්ෂය (ටී.එම්.වී.පී) හී නායකයා වශයෙන් ඔහු දේශපාලනයට පිවිසියේය.
