ඒ මහතා මේ බව පවසන්නේ ජනධිපති මෛත්‍රීපාල සිරිසේන මහතාගේ දින සියයේ වැඩ පිළිවෙල යටතේ පවත්නා මැතිවරණ ක්‍රමය කඩිනමින් වෙනස් කිරීම සඳහා කර තිබෙන යෝජනාව සම්බන්ධයෙන් සිය ස්ථාවරය පැහැදිලි කිරීමටය.
ඡන්ද විමසීම් නීති රීති සංශෝධනය කරන්නේ නම් එසේ කළ යුත්තේ අදාළ සියලුම පාර්ශවල අදහස්‌ විමසීමක්‌ හරහා සිදු කරනු ලබන පුළුල් සංවාදයකින් බවත් ඒ මහතා නිකුත් කළ නිවේදනයක සඳහන් වෙයි.
මැතිවරණ කාලසීමාවකදී සියලුම රාජ්‍ය හා පෞද්ගලික මාධ්‍ය පිළිබඳව විශේෂ සැලකිල්ලක්‌ දැක්‌විය යුතු බවද මෙම කාලය තුළ පමණක්‌ බලපැවැත්වෙන විශේෂිත මාධ්‍ය කොමිසමක්‌ පත් කිරීම වැනි කරුණු පිළිබඳව සලකා බලන ලෙස ද කොමසාරිස්‌වරයා නිසි බලධාරීන්ගෙන් ඉල්ලා සිටී.
රාජ්‍ය ආයතන සතු ජාතික රූපවාහිනිය, ශ්‍රී ලංකා ගුවන්විදුලි සංස්‌ථාව, ස්‌වාධීන රූපවාහිනි සේවය හා ලේක්හවුස් ආයතනය ඡන්ද විමසීම් කාලයේදී පමණක්‌ නොව අන් කාලසීමාවල ද ආණ්‌ඩු පක්‍ෂයේ ආයතන ලෙස නොව රාජ්‍ය ආයතන ලෙස ක්‍රියාත්මක කිරීම නිදහස්‌ හා සාධාරණ ඡන්ද විමසීමක්‌ පැවැත්වීමට යෝග්‍ය බවට වන අදහසට තමා එකඟ වන බවද ඔහු කියා සිටී.
