ඒ හරහා කලාපයේ චීන බලපෑම වර්ධනය වනු ඇති බවට ඉන්දීය රජයේ විශ්වාසයක් පවතින බවද එම වාර්තාවල සඳහන්ය. ඉන්දීය මාධ්‍ය වාර්තා මේ බව ප‍්‍රකාශ කර තිබුණේ පසුගියදා නව රජයේ කැබිනට් මණ්ඩලය විසින් වරාය නගර ව්‍යාපෘතිය අඛණ්ඩව පවත්වාගෙන යාමට ගනු ලැබූ තීරණය පිළිබඳව වාර්තා කරමින්ය.
මේ අතර වරාය නගර ව්‍යාපෘතිය අත්හිටුවීම සඳහා නව රජයට බලපෑම් එල්ල කරන බව ජනතා විමුක්ති පෙරමුණ පැවසුවේය. එහි නායක පාර්ලිමේන්තු මන්ත්රී අනුර කුමාර දිසානායක මහතා ප‍්‍රකාශ කලේ නව රජයේ තීරණයෙන් තම පක්ෂය කම්පනයට පත්වූ බවය. චීන දායකත්වය යටතේ ඉදිකෙරෙන මෙම ව්‍යාපෘතිය කි‍්‍රයාත්මක නොවිය යුතු බවද ඔහු අවධාරණය කළේය. ඒ සම්බන්ධයෙන් පාර්ලිමේන්තුවේ අවධානය යොමු කරන බවද ඔහු ප‍්‍රකාශ කළේය.
කුමන චෝදනා එල්ල වුවද ඉන්දියාව සමග පැහැදිලි රාජතාන්ත‍්‍රික සබඳතා නව රජය යටතේ කි‍්‍රයාත්මක බව අමාත්‍ය පී. හැරිසන් මහතා ප‍්‍රකාශ කලේය.
