මෙම අවස්ථාව ආවරණය කිරීම සඳහා ඊයේ (10) පෙ.ව.10 සිට ප.ව. 6 දක්වා අපරාධ පරීක්ෂණ දෙපාර්තුමේන්තුවේ ප‍්‍රධාන දොරටු අසල මාධ්‍ය වේදී රැසක් දුමින්ද සිල්වා මහතාගෙන් ප්‍රකාශයක් සටහන් කර ගැනීමේ අපේක්ෂාවෙන් බලා සිටියහ.
නමුත් අපරාධ පරීක්ෂණ දෙපාර්තුමේන්තුවේ සිට පොලිස් මූලස්ථානය හරහා පිටතට යාමට තවත් මාර්ගයක් ඇති අතර මන්ත‍්‍රීවරයා එම මාර්ගය ඔස්සේ පිටවී තිබුණු බව පසුව දැන ගැනීමට ලැබිණි.
කෙසේ වුවත් එම මාර්ගය ඔස්සේ යාමටනම් අපරාධ පරීක්ෂණ දෙපාර්තුමේන්තුවේ ප‍්‍රධානියාගේ (DIG) අවසරය අවශ්‍ය බවද එහි සිටි පොලිස් නිළධාරියෙකුගෙන් දැන ගැනීමට ලැබිණි..
අපරාධ පරීක්ෂණ දෙපාර්තුමේන්තුවට පැමිනි දුමින්ද සිල්වාගේ පියාගේ සහ නීතීඥයන් දෙදෙනෙකු පහත ඡායාරූපයෙන් දැක්වේ.
අපරාධ පරීක්ෂණ දෙපාර්තුමේන්තුව මන්ත‍්‍රීවරයාගෙන් පැය 8කට ආසන්න කාලයක් වෙලේ සුදා විසින් හෙලිකල කුඩු ජාවාරම පිළිබඳව ප‍්‍රශ්න කිරීමකට ලක්කර ඇත.
කෙසේ නමුත් අද දින දුමින්ද සිල්වා මහත අත් අඩංගුවට ගනු ඇතැයි කසුකුසුවක් පැවැතියද එවැන්නක් සිදු වූයේ නැත. අප විසින් ඊයේ දිනයේදී වාර්තා කරනු ලැබුවේ දුමින්ද සිල්වා මහතා අත් අඩංගුවට ගැනීමට අදාල දේශපාලන බලධාරීන්ගෙන් නියෝගයක් තවමත් නොලැබුණු බව එම පරීක්ෂණ පවත්වන නිළධාරීන්ගෙන් දැන ගන්නට ලැබුණු බවය.
