එම දේශපාලන පක්‍ෂය මීළඟ මහ මැතිවරණයට පෙර ලියාපදිංචි කිරීම සඳහා මැතිවරණ කොමසාරිස්‌වරයා සමඟ මේ වනවිටත් සාකච්ඡා කර ඇති බව මෛත්‍රී ගුණරත්න මහතා කීය.
මෙම පක්ෂයේ ලකුණ මාලිමාව බවත් කොළ පැහැයට හුරු වර්ණයක්‌ පාට ලෙස භාවිතා කරන බවත් පැවසූ හෙතෙම තමා සහ ශිරාල් ලක්‌තිලක මහතා ඉදිරි මහ මැතිවරණයට මෙම නව පක්‍ෂය යටතේ තරග කරන බවද පැවසීය.
සිය මවු පක්‍ෂය වන එක්සත් ජාතික පක්‍ෂය සමඟ සන්ධාන ගතවීමට කැමැත්තෙන් පසුවන බවත් ඊට ඉඩ නොලැබුණහොත් වෙනත් පක්‍ෂයක්‌ සමඟ සන්ධාන ගතව හෝ තනිව තරග කරන බවත් මෛත්‍රී ගුණරත්න මහතා පැවසීය.
එක්සත් ජාතික පක්‍ෂයට විකල්ප සංවිධානයක්‌ වශයෙන් "ජාතික පවුර" සංවිධානය පසුගිය සමයේ ක්‍රියාත්මක විය.
divaina
