ප‍්‍රාදේශීය වශයෙන් පිහිටුවා ඇති ශ්රීලනිප ශාඛා සමිති මට්ටමින් මෙලෙස ක‍්‍රියාකාරීන් සංවිධානය කිරීමට ජනාධිපතිවරයා සැලැසුම් කර ඇති අතර, ඊට අදාළ මෙහෙයුම් කටයුතු දැනටමත් ආරම්භ කර තිබේ. මෙම පහළ පෙළේ ශාඛා සමිති ක‍්‍රියාකාරීන් සමග වෙනම සාකච්ඡා වටයක් පැවැත්වීමටද තීරණය කර ඇති අතර, ඒ සදහා ජනාධිපතිවරයාට හිතවත් ශ්රී ලනිප ප‍්‍රබලයන් පිරිසක් ඉදිරිපත් වී තිබේ.
මේ අතර ඉදිරි මහ මැතිවරණය සදහා වන ශ්රී ලනිප නාම යෝජනා ලැයිස්තුද වෙනම සකස් කිරීමට ජනාධිපතිවරයා තීරණය කර ඇති බව එම පක්ෂයේ ඉහළ පෙළේ ආරංචි මාර්ග අනාවරණය කරයි.
මේ අතර ශ්රී ලංකා නිදහස් පක්ෂයේ දිස්ත‍්‍රික් සංවිධායක තනතුරු කිහිපයක් හදිසියේ වෙනස් කිරීමට ජනාධිපතිවරයා තීරණය කර තිබේ.
ඉදිරියේදී පැවැත්වීමට නියමිත මහ මැතිවරණය ඉලක්ක කරගනිමින් කුරුණෑගල, නුවරඑළිය සහ අනුරාධපුරය යන දිස්ත‍්‍රික්කවල මෙලෙස සංවිධායක තනතුරු වෙනස් කිරීමට තීරණය කර ඇති අතර, ඉදිරි සතිය ඇතුළත ශ්රී ලංකා නිදහස් පක්ෂයේ විධායක සභාව රැස්කර ඊට අවශ්‍ය අනුමැතිය ලබාගැනීමටද සැලැසුම් කර ඇත.
මේ අතරින් වැඩි ප‍්‍රමාණයක් දිස්ත‍්‍රික් සමසංවිධායක තනතුරු විය හැකි බවත්, ඉදිරි මැතිවරණයකදී ජනාධිපතිවරයාගේ උපදෙස් නිසි පරිදි පිළිපදින්නන් අදාළ තනතුරුවලට පත් කිරීම මෙහි අරමුණ වී ඇති බවත් ශ්රී ලංකා නිදහස් පක්ෂයේ අභ්‍යන්තර ආරංචි මාර්ග සදහන් කරයි.
