මේ පරීක්ෂණ වලින් සියයට 90ක් පමණ මීට පෙර පැවති රජයේ දේශපාලනඥයන්ට සහ රජයේ නිලධාරීන්ට එල්ල වූ චෝදනා බව අල්ලස් කොමිෂමේ අධ්‍යක්ෂ ජනරාල් දිල්රුක්ෂි ඩයස් මහත්මිය පවසයි.

එසේම ඇය එම ධුරයට පත්වනවිට 1800ක් පමණ පැමිණිලි විභාග වෙමින් තිබී ඇති  අතර ධුරයට පත්වීමෙන් අනතුරුව විවිධ පුද්ගලයන්ගෙන් සහ සංවිධානවලින් පැමිණිලි 1200ක් පමණ ලැබී ඇත.

දිල්රුක්ෂි ඩයස් මහත්මිය පවසන පරිදි අත්දැකීම් සහිත නීතිඥයන්ගේ අධීක්ෂණය යටතේ දිවා රෑ දෙකෙහිම මේ පරීක්ෂණ කටයුතු සිදුවෙමින් පවතියි.