ශ්‍රී ලංකා නිදහස් පක්ෂය ගමේ දේශපාලනය නොකළ බවත් ඔවුන් ගමේ දේශපාලනය මෙහෙයවුවේ රජයේ නිලධාරීන් හරහා බැවින් ඔවුන්ට ගම තුල දේශපාලනය කළ නොහැකි බව අජිත් පී පෙරේරා පවසයි. මේ නිසාම ආසන ක්‍රමය හරහා වුවත් එක්සත් ජාතික පක්ෂයට තුනෙන් දෙකක බලයක් ලැබිය හැකි බව ඔහුගේ අදහසයි.

නියෝජ්‍ය ඇමතිවරයා වැඩිදුරටත් පැවසුවේ "මහින්ද රාජපක්ෂ තමන් පන්සල් යනවාටත් මේ රජය විරුද්ධ බව ඊයේ ප්‍රකාශ කරා. නමුත් අපි විරුද්ධ පන්සල වගේ වැදගත් ආගමික ආයතනයක් තමන්ගෙ දේශපාලන ක්‍රියාකාරකම් වෙනුවෙන් යොදාගැනීමටයි. මේ මොහොතේ මහින්ද රාජපක්ෂ කළ යුත්තේ බුද්ධාගමේ කරුණු අනුව යමින් තම දරුවන් සහ ඥාතීන් සමඟ සැදෑ සාමය ගතකිරීමයි."

එසේම තමන්ගෙන් පළිගන්නා බවට චෝදනා කරමින් සිටිනවාට වඩා මහින්ද රාජපක්ෂ සහ බිරිඳ සියලුම දේශීය විදේශීය ගිණුම් පිළිබඳ තොරතුරු සහ දේපල පිළිබඳ හෙළි කරන්නේ නම් සියලු දෙනාටම පහසු වනු ඇති බව අජිත් පී පෙරේරා පවසයි.

{soundcloud}https://soundcloud.com/lankadaily/ajith2015-06-01-134139{/soundcloud}