සුපුරුදු පරිදි ඊයේ සිට රාජකාරියේ නිරතව සිටින බවත් රෝගී තත්ත්වයක් හේතුවෙන් සති කිහිපයක කාලයක් සේවයට වාර්තා නොකළ බව කීර්ති විමලචන්ද්‍ර මහතා පවසා සිටියේය.
කෙසේ වෙතත් පසුගියදා වාර්තා වූයේ අල්ලස් හෝ දූෂණ විමර්ශන කොමිසමේ කොමසාරිස්වරයෙකු ලෙස කටයුතු කළ අභියාචනාධිකරණයේ හිටපු විනිසුරුවරයෙකු වූ කිර්ති විමලචන්ද්‍ර මහතා ඉල්ලා අස්වී ඇති බවයි.
එම කොමිසමේ අධ්‍යක්ෂ ජෙනරාල් දිල්රුක්ෂ ඩයස් වික්‍රමසිංහ මහත්මිය පසුගිය මැයි මස 16 වනදා පැවසුවේ කීර්ති විමලචන්ද්‍ර මහතා අදාළ ධුරයෙන් ඉල්ලා අස්වී ඇති බවය.
මේ හේතුවෙන් කොමිසමේ විමර්ශන කටයුතු හා පැමිණිලි භාර ගැනීම සාමාන්‍ය පරිදි සිදු වුවද නඩු පැවරීම ඇතුළු නෛයිතික කටයුතුවලට බාධා එල්ල වී තිබූ බව සඳහන්ය.
කොමසාරිස්වරුන් තිදෙනෙකුගෙන් සමන්විත අල්ලස් හෝ දුෂණ විමර්ශන කොමිසමේ කටයුතු එක් කොමසාරිස්වරයෙකුගේ හෝ පුරප්පාඩුවකින් යුතුව සාමාන්‍ය පරිදි සිදු කළ නොහැකි බව වාර්තා විය.
තමා ඉල්ලා අස්වූ බවට පැතිර ගිය ප්‍රචාරයන් හි කිසිදු සත්‍යතාවක් නොමැති බව කීර්ති විමලචන්ද්‍ර මහතා පැවසුවේයි.
අල්ලස් හෝ දුෂණ විමර්ශන කොමිෂන් සභාවේ කටයුතු සාමාන්‍ය පරිදි සිදු වන බව ඔහු කියා සිටියේය.
අද දෙරණ
