අද දින රට පුරා මහින්ද රාජපක්ෂගේ ඡායාරූපයක් සමඟ 'මම සූදානම්' යැයි පොස්ටරයක් ඇලවීමට ක්‍රිය කළද ඊයේ දිනය තුල සිදු වූ පසු බැස්ම එම කණ්ඩායම කෙරෙහි බරපතල ලෙස බලපා තිබේ. එමෙන්ම ඊයේ දිනයේදී මැද මුලනට ගිය පිරිසෙන් වැඩි දෙනෙකුද මෛත්‍රීපාල සිරිසේන නායකත්වය දෙන ශ්‍රී ලනීපයෙන් නාම යෝජනා ඉල්ලා තීබීමත් විශේෂ සිදු වීමක්.
මේ නිසා වෙනම තරග කිරීම සිය දිවි හානි කර ගැනීමක් වනු ඇති බව එම කණ්ඩායමේ ජේෂ්ඨයන් කිහිප දෙනෙකුම පැහැදිලි කර දී ඇත. මේ නිසා මහින්ද රාජපක්ෂගේ සහය ශ්‍රී ලනීපයට ලබා දී ජාමබේරා ගැනීම වඩා බුද්ධිමත් තීරණයක් බව එම ජේෂ්ඨයන් පෙන්වා දී තිබේ.
මෙම අවස්ථාව සඳහා සහභාගි වී ඇත්තේ හිටපු කථානායක චමල් රාජපක්ෂ, කුමාර වෙල්ගම, මහින්දානන්ද අලුත්ගමගේ, රෝහිත අ‍ෙබ්ගුණවර්ධන, එස්. එම්. චන්ද්‍රසේන, ආර්. දුමින්ද සිල්වා, මාලනී ෆොන්සේකා, පවිත්‍රා වන්නිආරච්චි, කමලා රණතුංග, ටී. බී. ඒකනායක, ජොන්ස්ටන් ප්‍රනාන්දු, කෙහෙළිය රඹුක්වැල්ල, චන්දිම වීරක්කොඩි, විමල් වීරවංශ, දිනේෂ් ගුණවර්ධන, නිශාන්ත මුතුහෙට්ටිගම, තිස්ස කරලියද්ද, මනූෂ නානායක්කාර, තිස්ස විතාරණ, සරණ ගුණවර්ධන වාසු‍ෙද්ව නානායක්කාර,ගාමිණි ලොකුගේ.ජි.එල්.පිරිස්.බණ්දුල ගුණවර්ධන,පියසිරි විජේනායක,අරැන්දික ප්‍රණාන්දු, යන හිටපු පාර්ලිමේන්තු මන්ත්‍රීවරුන් පමණි.
මීට අමතරව සබරගමුව ප්‍රධාන අමාත්‍ය මහීපාල හේරත්, උතුරු මැද හිටපු ප්‍රධාන අමාත්‍ය එස්. එම්. රංජිත් ඇතුළු පළාත් සභා හා පළාත් පාලන මන්ත්‍රීවරුන් ද හිටපු අගවිනිසුරු සරත් එන්. ද සිල්වා ඇතුළු කිහිපදෙනෙකු ද එක්ව සිටියහ.
මේ අතර ශ්‍රී ලනීපයේ අගමැති අපේක්ෂකයා ලෙස චමල් රාජපක්ෂ මහතා නම් කිරීමේ සූදානමද පවතී. ඒ සිදුවුවහොත් මහින්ද රාජපක්ෂ මහතාගේ දේශපාලන පරාජය මැතිවරණයට පෙර සහතික වීමක් බව දේශපාලන විචාරකයන්ගේ මතයයි.
සැබැඳි පුවත් : මහින්ද; මඟ හිටියොත් තෝ නසී.. ගෙදර ගියොත් අඹු නසී.
