ලොස් ඇන්ජලීස් නුවර පැවති උත්සවයකදී අදහස් දැක්වූ Mitsubishi ආයතනයේ ජ්‍යෙෂ්ඨ විධායක නිලධාරී Hikaru Kimura පැවසුවේ තම ආයතනය මගින පාලනය කරනු ලැබූ පතල්වල යුධ සිරකරුවන් බලහත්කාරයෙන් සේවය කිරීමට යෙදවීම පිළිබඳ කණගාටුව ප්‍රකාශ කරන බවයි.
නමුත් ඒ සමාව පිළිගැනීමට අද ඉතුරුව සිටින්නේ පැරණි සිරකරුවන්ගෙන් කිහිපදෙනෙකු පමණයි. දැනට ජීවත්ව සිටින එකල ජපානයේ සිරකරුවෙකු ලෙස සේවය කළ James Murphy ප්‍රකාශ කරනු ලැබුවේ මෙම සමාව ගැනීම අවංක සහ මිත්‍රශීලි වුවත් එය මීට වසර 70ට පෙර සිදුවුවේ නම් ඉතා හොඳ බවයි.
මේ කාලය තුල Mitsubishi සමාගම මිනිරන් පතල් හතරක් පමණ පවත්වාගෙන ගොස් තිබෙනවා. එම පතල්වල ඇමරිකානු සිරකරුවන් 500ක් පමණ සහ චීන, පිලිපීන, කොරියානු සිරකරුවන් දහස් ගණනක් සේවයේ යොදවා සිට තිබෙනවා.
තමන්ගේ අත්දැකීම් විස්තර කරන James Murphy පවසන්නේ එය බියජනක අත්දැකීමක් බවයි. ඒවගේම එය සම්පුර්ණ වහල් සේවයක් වූ බව ඔහු පවසයි.
James Murphy පවසන පරිදි වඩාත් ඛේදජනකම සිදුවීම වන්නේ ඇමරිකාවට එරෙහිව සටන් කිරීම සඳහා ගුවන් යානා නිෂ්පාදනයට ඔවුන්ව යොදාගැනීමයි.
එසේම මෙම සිරකරුවන් රඳවා සිටි කඳවුරුවල පැවති අහිතකර තත්ත්වය හේතුවෙන් පසු කාලයේ විවිධ රෝගාබාධ රැසකට ගොදුරුව තිබෙනවා.
Mitsubishi සමාගමේ මෙම හදිසි සමාවගැනීමට හේතුව හෙළිව නැතත් මීට පස් වසරකට පෙර ජපාන රජයද ඇමරිකානු යුධ සිරකරුවන්ගෙන් නිල වශයෙන් සමාව අයැද තිබුණි.
