පසුගියදා සමාජ ජාල ඔස්සේ ප්‍රචාරය වූ මෙම කුඩා වීඩියෝව හරහා ජර්මන් චාන්සලර්වරිය සමරිසි සම්බන්ධතවයක් පවත්වන බවට ඇඟවීමට උත්සහ ගෙන ඇත.
මෙම වීඩියෝව නිර්මාණය කිරීමට හේතුව වී ඇත්තේ ඇන්ජලා මෑතකදී විවාහයක් සිදුවිය යුත්තේ ගැහැනියක් සහ පිරිමියෙක් අතර පමණක් බව තමන් විශ්වාස කරන බවට කරන ලද ප්‍රකාශයට විරෝධය දැක්වීම සඳහායි.
එම ප්‍රකාශය සම්බන්ධයෙන් ජර්මනියේ සමාජ ක්‍රියාකාරීන් රැසකගේ විරෝධය එල්ල වී තිබුණි.
ජර්මනිය සමරිසි ජනතාවගේ විවාහ වීමට ඇති අයිතිය 2001 වසරේ සිට පිළිගෙන තිබුණත් එම නීතිය බොහෝ අඩුපාඩු සහිත බවට චෝදනා එල්ල වේ. එසේම මේ වසරේ අයර්ලන්තය ජනමත විචාරණයක් හරහා සමරිසියන්ට විවාහ වීමට ඇති අයිතිය නීත්‍යනුකූලව පිළිගැනීමත් සමඟ ජර්මන් රජයටද පවතින නීතිය වැඩි දියුණු කරන ලෙස ඉල්ලා ඉල්ලීම් ඉදිරිපත් විය.
නමුත් ඇන්ජලා රජයේ නියෝජිතයෙක් මේ සම්බන්ධව අදහස් දක්වමින් ප්‍රකාශ කරනු ලැබුවේ සමරිසි විවාහ නීතිගත කිරීම එම රජයේ ඉලක්කයක් නොවන බවයි.
