නමුත් දැන් සිප ගැනීමත් අවදානම් ක්‍රියාවක් බවට පත්වෙලා. සිපගැනීම හරහා පැපිලෝමා නම් වෛරසය (HPV)පුදගලයෙකුගෙන් තවත් පුද්ගලයෙකුට ගමන් කළ හැකි බව පැවසෙනවා.
මේ පිලිබඳ අදහස් දක්වන රෝයල් ඩ්රෝවින් රෝහලේ වෛද්‍ය මහිබාන් තෝමස් පවසන්නේ මෙම වෛරසය හිසේ, බෙල්ලේ සහ හකු ආශ්‍රිත පිළිකාවලට හේතුවන බවයි.
ඔහු සඳහන් කරන පරිදි මුවට මුව තබා සිප ගැනීම හරහා පැපිලෝමා වෛරසය අසාදනය වන මිනිසෙකුට වෛරසය අසාදනය නොවූ මිනිසෙකුට වඩා හිසේ සහ බෙල්ලේ පිළිකා ඇතිවීමේ අවදානම දෙසිය පනස් ගුණයක් වැඩියි. පැපිලෝමා වෛරසය ගැහැණු පිරිමි බේදයකින් තොරව බලපෑම් ඇති කරන බව පැවසේ.
ඇමරිකාවේ රෝග වැළක්වීමේ සහ පාලනය කිරීමේ මධ්‍යස්ථානය පවසන පරිදි පැපිලෝමා වෛරසය මුඛ සංසර්ගය, කට අරගෙන සිටීම සහ මුවට මුව තබා සිප ගැනීම හරහා බෝ වීමේ හැකියාවක් පවතියි.මීට අමතරව ලිංගික එක්වීමකින් තොර ප්‍රේම ආලිංගන හරහාද මෙම වෛරසය අසාදනය වීමේ හැකියාවක් පවතින බව පැවසේ.
මෙම තත්ත්වය දුම් පානය සහ නිතර මත්පැන් පානය කිරීම නිසා ඇතිවන පිළිකා අවදානමට සමානයිලු.
ඕස්ට්‍රේලියාව තුල 2011 වසරේ හිස සහ බෙල්ල ආශ්‍රිත පිළිකා රෝගීන් 3121ක් හඳුනාගෙන ඇති අතර එම පිළිකා සඳහා දුම්බීම, මත්පැන් පානය, විකිරණ සහ පැපිලෝමා වෛරසය හේතු වී ඇති බව අනාවරණය වී තිබේ.
