දැවැන්ත ණය උගුලක සිරව සිටි රට, ආර්ථික අර්බුධයකට නොයවා යම් කලමනාකාරිත්වයක් ඔස්සෙ මෙහෙය්වා ගැනීමට මුදල් ඇමැති මංගල සමරවීර සමත්ව තිබිණි. මේ මොහොතේ සුළු පීඩනයක් දරාගෙන සිටීමෙන් අනාගතයේදි වැඩි ප්‍රතිලාබයක් අත්පත් කර ගැනීමට සැලසුම් කිරීම සිදුව තිබිණි.
2019 වසර වන විට රුපියල් බිලියන 586 ක් ණය සහ වාරික වශයෙන් ගෙවීමට සිදුව ඇති බවත්, එය නිදහස් ශ්‍රී ලංකාවේ එක් වසරක් තුළ ගෙවිය යුතු වැඩිම ණය ආපසු ගෙවීම ලෙසත් සැලකෙන බව මුදල් අමාත්‍යාංශය සඳහන් කර තිබිණි. මෙය මේ රටේ ආණ්ඩුවක් මුහුණපා තිබෙන බරපතලම අභියෝගයකි. එහෙත් මහින්දගේ මෝඩ තකතීරු තීන්දු තීරණ නිසා රට යලි අර්බුධයකට යෑම මිසක් වෙනකක් නොවීමට ඉඩ නැති බව ආර්ථික විශේෂඥ මතය වේ. එසේම ඩොලරයේ අගය තව දුරටත් ඉහළ යෑම තුල ප්‍රශ්නය බරපතල වෙනු ඇත.
නව ආදයම් බදු පනතක් ගෙන එමින් විධිමත්ව සකස් කළ බදු ප්‍රතිපත්තියට එරෙහිව යමින් මහින්ද රාජපක්ෂ ගැලරිය පිනවීම වෙනුවෙන් ඊයේ රාත්‍රියේ තෙල් මිල අඩු කිරීම හා භාණ්ඩ හා සේවා කිහිපයක් මත පනවා තිබු බදු ප්‍රතිශතයන් අඩු කර තිබේ. තමන් කළ ව්‍යවස්ථා විරෝධි කුමන්ත්‍රණය නිසා ජනතාවගේ අප්‍රසාදයට පත්වීම මග හරවා ගැනීම වෙනුවෙන් හා ඉදිරි මැතිවරණ ඉලක්ක කර මේ මෝඩ තකතීරු තීන්දුව ගෙන තිබෙන බව පැහැදිලිය.
