හිටපු ජනාධිපති පුත් නාමල් රාජපක්ෂ මහතාව මෙම මස 12 වන දින අපරාධ පරීක්ෂන දෙපාර්තමේන්තුවට කැඳවා ඇත.
ජවිපෙ දේශපාලන මණ්ඩල සභික කේ.ඩී. ලාල්කාන්ත පසුගිය හත්වෙනිදා (07)මුතූර් සහ සාම්පූර් ප්‍රදේශවල සංචාරයක නිරත විය. එහිදී ඔහු සාම්පූර් ගල් අඟුරු බලාගාරය නිසා ගැටලුවලට මුහුණ දී සිටින ජනතාව හමුවී සාකච්ඡා කළේය.
පසුගියදා අත්අඩංගුවට ගැනුණු අන්තර් විශ්ව විද්‍යාල භික්ෂු බල මණ්ඩලයේ භික්ෂුන්වහන්සේලා පස් දෙනා ඇප මත නිදහස් කර තිබේ.
වැඩබලන අගවිනිසුරු ලෙස ශ්‍රේෂ්ඨාධිකරණ විනිසුරු චන්ද්‍රා ඒකනායක මහත්මිය දිවුරුම්දී තිබේ.
එල්.ටී.ටී.ඊ. සංවිධානයේ ත්‍රිකුණාමල දිස්ත්‍රික් දේශපාලන අංශ ප්‍රධානියාව සිටි සින්නතුරේ සසීදරන් හෙවත් එළිලන්ගේ බිරිඳ වන උතුරු පළාත් සභා මන්ත්‍රිනී ආනන්දි සසිදරන් එල්ල කළ චෝදනා පදනමකින් තොර බව ඩී.එම්.කේ. පාර්ලිමේන්තු මන්ත්‍රී මෙන්ම හිටපු තමිල්නාඩු මහ ඇමති කරුණානිධිගේ දියණියක වන කනිමෝසි කරුණානිධි සඳහන් කරයි.
ලක් සතොසින් භාණ්ඩ ලබාගෙන රුපියල් 527500ක මූල්‍ය වංචාවක් කළැයි චෝදනා ලැබූ හිටපු ඇමැති ජොන්ස්ටන් ප්‍රනාන්දු ඇතුළු සැකකරුවන් තිදෙනා ඇප මත මුදා හැරීමෙන් පසු පළමු නඩු විභාගය අද (8) පැවති අතර මහේස්ත්‍රාත් රවීන්ද්‍ර ප්‍රේමරත්න මහතා නීතිපති උපදෙස් ලැබෙන තුරු නඩු විභාගය නොවැම්බර් 9 ට කල් තැබුවේය.
යාපනය අධිකරණයට ප්‍රහාර එල්ල කළ බවට චෝදනා ලැබූ 33 කට ඇප
යාපනය, පුංකුඩිතිව් ප්‍රදේශයේ පදිංචි 18 හැවිරිදි සිවලෝගනාදන් විත්‍යා ඝාතන සිද්ධියට සැකපිට අත්අඩංගුවට ගනු ලැබූ පුද්ගලයින් 9 දෙනා අධිකරණයට ඉදිරිපත් කළ අවස්ථාවේදී සිදුවූ නොසන්සුන්කාරී තත්ත්වය තුළ අධිකරණයට ප්‍රහාර එල්ල කළ බවට චෝදනා ලැබ අත්අඩංගුවට පත් සැකකරුවන් 33 දෙනෙකුට ඇප ලබා දී තිබේ.
දිවි නැගුම මුදල් වංචා කළැයි රිමාන්ඞ් භාරයේ පසුවන හිටපු අමාත්‍ය බැසිල් රාජපක්ෂ ගොනුකළ ඇප අයදුම්පත සළකාබැලීම මේ මස 15 වැනිදා සිදුකිරීමට කොළඹ මහාධිකරණය අද නියෝග කළේය. අදාළ ඇප අයදුම්පත අද කැඳවූ අවස්ථාවේදි මහාධිකරණ විනිසුරු සරෝජනී කුසලා වීරවර්ධන මෙම නියෝගය නිකුත් කළේය.
