තරගයේ පළමුවෙන් පන්දුවට පහර දුන් ශ්‍රී ලංකාව සිය පළමු ඉනිමට සියලු දෙනා දැවී රැස් කළ ලකුණු සංඛ්‍යාව 236කි.
ශ්‍රී ලංකා නායක ධනංජය ද සිල්වා ලකුණු 74ක් ලබා ගත්තේය.
ඊයේ ටෙස්ට් වරම් දිනූ මිලාන් රත්නායක සිය මංගල ටෙස්ට් අර්ධ ශතකය සමගින් අගනා වටිනා ලකුණු 72ක් රැස් කිරිමට සමත් විය.
එය වාර්තා අතරට එක්වුණේ මංගල ටෙස්ට් ක්‍රිකට් තරගයේදී අංක 9 පිතිකරුවකු රැස් කළ ඉහළම ලකුණු සංඛ්‍යාව ලෙසයි.
මිලාන් එලෙස බිඳ දැමුවේ ඉන්දීය ක්‍රිකට් ක්‍රීඩක බල්වින්දර් සන්දු පිහිටුවා තිබූ වසර 41ක් පැරණි වාර්තාවක්.
පිළිතුරු ඉනිම ක්‍රීඩා කරන එංගලන්ත කණ්ඩායම ඊයේ දිනයට තරගය නතර කරන විට කිසිවකු නොදැවී රැස් කරගෙන සිටි ලකුණු සංඛ්‍යාව 22ක්.
නොදැවී කඩුල්ලේ රැදී සිටින්නේ බෙන් ඩකට් සමගින් ඩෑන් ලෝරන්ස් ය.
-P.M
