එහිදී නිලූකා ගීතානි රාජසේකර පැය 2 යි මිනිත්තු 40 යි තත්පර 07 ක කාලයක්‌ සටහන් කරමින් ඔලිම්පික්‌ පරිසාදන මට්‌ටම ලෙස දැක්‌වෙන පැය 2 යි මිනිත්තු 43 ක කාලය අභිබවා ගොස්‌ ඇත.
පිරිමි මැරතන් තරගයෙන් තිස්‌ස ගුණසේකර අදාළ තරගය නිමාවට පත් කරන ලද්දේ පැය 2 මි. 28 තත්. 30 කටය. එම ඉසව්වේ ඔලිම්පික්‌ පරිසාදන මට්‌ටම ඉක්‌මවා යැමට ඔහුට නොහැකි වූයේ මි. 10. තත්. 30 ක ප්‍රමාදය හේතුවෙන් වූ අතර එහි ඔලිම්පික්‌ පරිසාදන මට්‌ටම පැය 2 යි, මි. 18 ක් ලෙස විය.
මෙම සමස්‌ථ තරගාවලිය සඳහා ක්‍රීඩක ක්‍රීඩිකාවන් 70,000 කට අධික ප්‍රමාණයක්‌ සහභාගි වී ඇති අතර මැරතන් තරගය සඳහා කාන්තා අංශයෙන් මෙන්ම පිරිමි අංශයෙන්ද තරගකරුවන් 5000 කට අධික ප්‍රමාණයක්‌ සහභාගි වී ඇත.
