පළමුවෙන් පන්දුවට පහරදුන් කොදෙව් කී‍්‍රඩකයින් නියමිත පන්දුවාර 50දී කඩුලූ 7ක් දැවී ලකුණු 304ක් ලබා ගත්තා. ඔවුන්ගේ පළමු කඩුලූ 5ම බිඳ වැටුණේ ලකුණු 87ක් තුළයි. එහෙත් ලින්ඞ්ල් සීමන්ස් සහ ඩැරන් සැමී එක්ව කණ්ඩායම නැවත වරක් ශක්තිමක් ස්ථානයකට ඔසවා තැබුවා.

එ් හය වැනි කඩුල්ල වෙනුවෙන් ලකුණු 154ක සබඳතාවක් ගොඩනගා ගනිිමින්. ලින්ඞ්ල් සීමන්ස් පන්දු 84කදී ලකුණු 102ක් ලබා ගත්තා. ඩැරන් සැමී පන්දු 67කදී ලකුණු 89යි. අවසන් පන්දුවාර 5දී කොදෙව් කී‍්‍රඩකයින් රැස්කර ගත් ලකුණු සංඛ්‍යාව 64ක්.

අයර්ලන්තය වෙනුවෙන් ජොර්ජ් ඩොක්වෙල් ලකුණු 50කට කඩුළු 3ක් දවා ගත්තා. තරඟය පැවතුනේ නෙල්සෙන් හි සැක්ටෝන් ඕවල් කී‍්‍රඩාංගණයේදීයි. ලකුණු 305ක ඉලක්කයක් හඹා ගිය අයර්ලන්ත කණ්ඩායම කඩුළු හයක් දැවී ලකුණු 307ක් ලබා ජය ලැබීමට සමත්ව සිටිනවා.

හෙට පැවැත්වෙන්නේ නවසීලන්තය හා ස්කොට්ලන්තය අතර තරඟයයි.