ඒ අනුව ආසියාතික යොවුන් මළල ක්‍රීඩා උළෙලේදී ශ්‍රී ලංකාව නියෝජනය කරමින් සහභාගී වී මීටර් 400 කඩුලු පැනීම කාන්තා ඉසව්වෙන් රන් පදක්කම දිනාගත් එම්. යමානි දුලාංජලී ශිෂ්‍යාවට රුපියල් ලක්ෂ තුනක්ද, මීටර් 400 කඩුලු පැනීම පිරිමි ඉසව්වෙන් රිදී පදක්කම දිනාගත් එච්.යූ.කේ.දර්ශන ශිෂ්‍යයාට රුපියල් ලක්ෂ දෙකක්ද, තුන්පිම්ම ඉසව්වෙන් රිදී පදක්කම දිනාගත් චමල් කුමාරසිරි ශිෂ්‍යයාට රුපියල් ලක්ෂ දෙකක්ද, මුදල් ත්‍යාග ලෙස පිරිනැමින.
උසපැනීම ඉසව්වෙන් රිදී පදක්කම දිනාගත් රොෂාන් ධම්මික ශිෂ්‍යයාට රුපියල් ලක්ෂ දෙකක් මුදලක් ද ලබා දුන්නේය.
ජාතික ක්‍රීඩා අරමුදලෙන් මෙම මුදල් වෙන් කර තිබුණි.
ක්‍රීඩා අමාත්‍ය නවීන් දිසානායක මහතාගේ ප්‍රධානත්වයෙන් එම අමාත්‍යාංශ ප්‍රධාන ශ්‍රවණාගාරයේදී අද(21) මෙම ඇගයීම් උළෙල පැවැත්වුණි.
ලංකා පුවත්
