ඌව පළාත් සභා ඡන්දයේ පශ්චාත් මැතිවරණ ප්‍රචණ්ඩ ක්‍රියා ඇතුළත් වාර්තාවක් එක්සත් ජාතික පක්ෂය එක්සත් ජාතීන්ගේ මහ ලේකම් බැන් කී මූන් වෙත යවන බව එක්සත් ජාතික පක්ෂයේ ජාත්‍යන්තර කටයුතු පිළිබඳ සහකාර ලේකම් සාගල රත්නායක මහතා පවසයි.

ශ්‍රී ලංකාවේ සිදුව ඇතැයි කියන යුද අපරාධ සම්බන්ධයෙන් සොයාබැලීමට ජගත් මානව හිමිකම් පිළිබඳ හිටපු මහකොමසාරිස් නවි පිල්ලේ විසින් කමිටුවක් පත් කරන ලද කමිටුව විසින් සිදුකරන පරීක්ෂණයේ සම්පූර්ණ වාර්තාවක් ලබන වසරේ මාර්තු මසදී ජිනීවා හී රැස්වන 28 වැනි ජගත් මානව හිමිකම් සමුළුවට ඉදිරිපත් කිරීමට නියමිතව තිබේ.

එජාප නායකත්වයෙන් රනිල් වික්‍රමසිංහ මහතා ඉවත් කරන ලෙස බල කරමින් ශිරාල් ලක්තිලක හා මෛත්‍රී ගණරත්න යන මහත්වරුන් විසින් ඉකුත් වසරේ ඔක්තෝබර් 05 වැනිදා දෙවුන්දරින් ආරම්භ කළ ‘ඉවසුවා ඇති’ පා ගමනේදී ඇති වූ ගැටුම සම්බන්ධ නඩුව ලබන මාර්තු 23 වැනිදා දක්වා කල් තැබීමට මාතර මහේස්ත්‍රාත්වරයා අද (22) නියෝග කළේය.

විපක්ෂයේ තාරකාව වූ හරීන් ප්‍රනාන්දු මහතාට ඇමැති ඩිලාන් පෙරේරා මහතාගේ මැරයන් විසින් ඊයේ සවස හාලිඇල දී පහර දී තිබේ.

ඌව මැතිවරණයේ ලත් පසුබෑම පාඩමක් කර ගනිමින් සිය ගමන් මග වෙනස් කරන්නේ නම් ආණ්ඩුවට ඉදිරි ජනාධිපතිවරණය හා මහ මැතිවරණය ජය ගැනීම අපහසු නොවනු ඇතැයි දේශපාලන විචාරක ආචාර්ය දයාන් ජයතිලක මහතා කියා සිටියි.

දොඩම්ගස්ලන්ද කහටගහ මිනිරන් පතළේ සේවකයෝ ඉල්ලීම් කිහිපයක් මුල් කැර ගෙන වැඩ වර්ජනයක් ඇරැඹුහ.

කිලිනොච්චිය දිස්ත්‍රික්කයේ අතුරුදන්වුවන් පිළිබඳ විමර්ශනය කිරීම සඳහා අතුරුදන්වූවන් පිළිබඳ ජනාධිපති විමර්ශන කොමිසම යළි රැස්වීමට නියමිතව තිබේ. ලබන 27 වනදා සිට දින 4ක් විමර්ශන කටයුතු සිදුකරන බව කොමිසමේ ප්‍රකාශකයෙකු සඳහන් කළේය. 27 සහ 28 යන දින වලදි මුලංගාවිල් දෙමළ මහා විද්‍යාලයේත් 29 සහ 30 යන දිනවල පූනගරි ප්‍රාදේශිය ලේකම් කාර්යාලයේත් විමර්ශන කටයුතු සිදු කෙරෙයි.