පසුගිය මහින්ද රාජපක්ෂ ජනාධිපති සමයේ රාජිත සේනාරත්න මහතා ධීවර අමාත්‍යවරයාව සිටියදී ධීවර යාත්‍රා අටක් යොදවාගෙන ගැඹුරු මුහුදේ මසුන් ඇල්ලීම සහ සිදුකළ ජාවාරමක් සම්බන්ධයෙන් විමර්ශනයක් ආරම්භ කර ඇතැයි අපරාධ පරීක්ෂණ දෙපාර්තමේන්තුව ඊයේ (21) කොළඹ අතිරේක මහෙස්ත්‍රාත් අධිකරණය වෙත කරුණු වාර්තා කළේය.
අධිකරණ තීන්දුවට අනුකූලව ගෑස් බෙදා හැරීම සිදුවන්නේදැයි සොයා වැටලීම් !
අධිකරණ තීන්දුවට අනුකූලව ගෑස් බෙදා හැරීම සහ අලෙවිය සිදු වන්නේදැයි සොයා බැලීම සඳහා හදිසි වැටලීම් ක්‍රියාත්මක කරන බව පාරිභෝගික කටයුතු පිලිබඳ අධිකාරිය පවසනවා.
සංචාරක ක්ෂේත්‍රයේ නිරත වන පුද්ගලයින්ට විදුලි බිල්පත් ගෙවීමට තවත් වසරක කාලයක් ලබාදෙන ලෙසට සංචාරක අමාත්‍යවරයා සිදු කළ ඉල්ලීමට එකඟතාව පළ කළ බව විදුලිබල අමාත්‍ය ගාමිණී ලොකුගේ ප්‍රකාශ කරයි. විදුලි බිල්පත් ගෙවීමට ලබාදුන් සහනය තවදුරටත් ලබාදිම සදහාවන කැබිනට් පත්‍රිකාව ඊයේ (20) කැබිනට් මණ්ඩලයට ඉදිරිපත් කර තිබේ.
ඉන්ධන මිල වැඩි කිරීම ගැන මහ බැංකුව මුදල් ඇමතිතුමාට කළ දැනුම් දීමක් අනුව ඉන්ධන මිළ වැඩිකළ බවත් මහබැංකුව විසින් මුදල් ඇමතිවරයාට දැනුම් දී තිබෙන්නේ පෙට්‍රල් රු. 35කින්, ඩීසල් රු. 24කින් සහ භූමිතෙල් රු 11කින් වැඩි නොකොළොත් ඉන්ධන ඉල්ලුම පාලනය කිරීමට නොහැකි වීමෙන් රට දැවැන්ත විදේශ විනිමට අර්බූදයකට තල්ලු වෙනවාය කියන පදනම බවත් බලශක්ති අමාත්‍ය නීතිඥ උදය ගම්මන්පිල මහතා පවසයි.
ශ්‍රී ලංකන් ගුවන් සේවයට ඉන්ධන සැපයීම වෙනුවෙන් ගෙවන මුදල් ඩොලර්වලින් ලබාදෙන ලෙස ඉල්ලා සිටි බවත් ඒ සඳහා ශ්‍රී ලංකන් ගුවන් සමාගම එකඟ වූ බවත් ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතා පවසයි.
සජිත්, අනුර කියනවා වගේ රට බංකොලොත් වෙන්න ඉඩ තියන්නේ නැහැ. - ජොන්ස්ටන්
අතිගරු ජනාධිපති ගෝඨාභය රාජපක්ෂ මැතිතුමාගේ "සෞභාග්‍යයේ දැක්ම" ජාතික වැඩපිළිවෙළ යටතේ ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍යාංශය යටතේ ක්‍රියාත්මක කරනු ලබන සංවර්ධන වැඩසටහන් යථාර්ථයක් කරලීම පිණිස දායකත්වය දැක්වූ රාජ්‍ය හා පෞද්ගලික අංශයේ විශිෂ්ටයින් ඇගයීමේ "විශිෂ්ටතා ඇගයීම් රාත්‍රිය" මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් අද (19) දින මහුනවර Earl's Regency හෝටලයේදී පැවැත්විණි.
දැවි තෙල් හා අපද්‍රව්‍ය පිරිපහදු කිරීමෙන් ලබන ආදායම වර්ධනය කර ගැනීමට සැලසුම් !
දැවි තෙල් හා අපද්‍රව්‍ය පිරිපහදු කිරීමෙන් ලබන ආදායම 100%කින් වර්ධනය කර ගැනීමට සමුද්‍රීය පරිසර ආරක්ෂණ අධිකාරිය සැලසුම් කර තිබෙනවා.
බණ්ඩාරවෙළ නගරය මසක් තුළ අලංකාරව නිම කරන්නැයි ජනපතිගෙන් උපදෙස් !
බණ්ඩාරවෙළ නගරය මසක් ඇතුළත සම්පුර්ණයෙන්ම අලංකාරවත්ව නිර්මාණය කරන ලෙස ජනාධිපති ගෝඨාභය රාජපක්ෂ මහතා නාගරික සංවර්ධන අධිකාරියේ කළමනාකාර අධ්‍යක්‍ෂවරයාට හා බණ්ඩාරවෙළ නගරාධිපති නිශාන්ත රත්නායක මහතාට උපදෙස් ලබා දී තිබෙනවා.
