මෙරට ජනතාව කිසිසේත් නැවත හොර කල්ලියකට රට භාර දීමට සූදානම් නැති බව ජනමාධ්‍ය ඇමැති ගයන්ත කරුණාතිලක මහතා පැවසීය.ඔහු මේ බව පැවසුවේ සිරිකොත පක්ෂ මූලස්ථානයේ අද(18) පැවති මාධ්‍ය හමුවකට එක්වෙමිනි. ජනතාව මත බර පටවන ,මහජන දේපල ගසා කන,සුදුවෑන් වලින් මාධ්‍යවේදීන් පැහැරගන්නා ආණ්ඩුවකට ජනතාව යළි ජනවරමක් ලබා නොදෙන බවත් මේ වන විට ඔවුන් ප්‍රතික්ෂේපවී හමාර බවත් පැවසුවේය.

කුරුණෑගල දිස්ත‍්‍රික්කයේ ගල්ගමුව ආසනයේ ඇහැටුවැව ප‍්‍රාදේශීය ලේකම් කොට්ඨාසයේ පිහිටි නාකොලගනේ කැලෑ කොටස මේ වන විට බහු ජාතික සමාගම් කිහිපයක් විසින් සහමුලින් වනසා දැමීම අරඹා ඇත.

වහාම ක්‍රියාත්මක වන පරිදි මුදල් අමාත්‍යාංශය විසින් පරිප්පු ආනයන බද්ද අඩු කර ඇත. පොල්තෙල් නොවන වෙනත් ආහාරයට ගන්නා තෙල් වර්ග (පාම් ඔයිල්) සඳහා අයකරන ආනයන බද්ද වැඩි කර ඇත.

මහනුවර දළදා මාළිගාවේ ඇසල පෙරහැර සඳහා අලිඇතුන්ගේ කිසිම ගැටලුවක් නොමැති බව දියවඩන නිලමේවරයා පවසයි.

ජනතා විමුක්ති පෙරමුණේ හිටපු නායක සෝමවංශ අමරසිංහ මහතාගේ මූලිකත්වයෙන් ඇරඹෙන නව පක්ෂයේ මංගල සමුළුව ජුනි 27 වැනිදා කොළඹ නව නගර ශාලාවේදී පැවැත්වීමට නියමිතය.

එක්සත් ජාතික පක්ෂයේ විශේෂ කෘත්‍යාධීකාරි මණ්ඩල රැස්වීමක් හෙට(19) පැවැත්වීමට නියමිතය.

මහ බැංකුවේ විසින් නිකුත් කරනු ලැබු භාණ්ඩගාර බැඳුම්කර සම්බන්ධයෙන් වංචාවක් සිදුව ඇති බවට එල්ලවූ චෝදනා විමර්ශනය සඳහා පාර්ලිමේන්තු පොදු ගිණුම් කාරක සභාව (COPA)හමුවේ පිළිතුරු බැඳිමට මහ බැංකු අධිපති අර්ජුන් මහෙන්ද්‍රන් මහතාව අද දින කැඳවා ඇත.

හිටපු ජනාධිපතිවරයාගේ සහය ශ්‍රී ලනීපයට ලබා ගැනීම සඳහා පෙරේදා පත් කර ගන්නා ලද 6 පුද්ගල කමි‍ටුව විසින් පැය කිහිපයක් තුල එම ගැටලුවට පහසු උත්තරයක් සොයාගෙන තිබේ. ඒ අනුව ශ්‍රී ලනීපයේ අගමැති අපෙක්ෂකයා ලෙස හිටපු ජනාධිපතිවරයා පත් කළ යුතුය. එවිට ප්‍රශ්නය අවසන් වන බවත් ශ්‍රී ලනීපයට ආණ්ඩුවක් පිහිටවිය හැකි බවත් ඔවුන් පවසයි.